Saray Huis 14:20 - Maung A Balita Biblia

²⁰ Samay asawa to niiter ed lakin manonan angolup ed sikato nen nankasal.

Maung a Balita Biblia

²⁰ Samay asawa to niiter ed lakin manonan angolup ed sikato nen nankasal.

Saray Huis 14:20 Referans Kwoze

Saray Huis 15:2

Inkuantod kinen Samson, “Tuan abaloan kon kabosul mo, kanyan inter kod kaarom. Balet magana ni may yogtan to. Sikato lay asawaen mo.”

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Jeremias 9:5

Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Saray Huis 15:6

Nen tinepet na saray Filisteo no siopay nanggawad saya, akabatan da a si Samson, lapud si katolangan ton taga Timna et inter tod kaaro nen Samson si asawa nen Samson. Kanyan saray Filisteo pinoolan dan mabilay imay bii tan pinoolan da met so abung nen ama to.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

1 Samuel 18:19

Balet nen sinmabiy agew a niiter lan asawa nen David si Merab, si Adriel a taga Mehola so angikasal.