Saray Huis 14:19 - Maung A Balita Biblia

¹⁹ Kabebekta pinabiskeg na ispiritu na Katawan si Samson, et linmad Askelon a dimay amateyan toy talomplon lalaki tan inaala to ray kawes da, insan to ra inter ed saramay akaebat na pabitla to. Kayari to, sinmempet a mapalaloy petang na olo to lapud samay agawa.

Maung a Balita Biblia

¹⁹ Kabebekta pinabiskeg na ispiritu na Katawan si Samson, et linmad Askelon a dimay amateyan toy talomplon lalaki tan inaala to ray kawes da, insan to ra inter ed saramay akaebat na pabitla to. Kayari to, sinmempet a mapalaloy petang na olo to lapud samay agawa.

Saray Huis 14:19 Referans Kwoze

1 Samuel 11:6

Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

Saray Huis 13:25

Ginapwan na ispiritu na Katawan a pabiskegen si Samson legan a walad nanleetan na Zora tan Estaol diad Kampo nen Dan.

Saray Huis 15:14

Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

Saray Huis 14:6

Kabebekta pinabiskeg na ispiritu na Katawan si Samson, et diad panamegley na saray lima to biningbingkas to may lion a singa labat nambibingkas na kilaw na kanding. Balet ag to imbagad saramay ateng to so ginawa to.

Saray Huis 14:18

Kanyan diad kumapiton agew kasakbayan ya onloob ed kuarto si Samson, inkuan na saramay lalakin taga siudad, “Dinan niy masamit nen say dilo? Dinan niy mabiskeg nen say lion?” Inmebat si Samson, “No ag yo impambaka so bakak Ag yo naebatay pabitlak.”

Saray Huis 1:18

Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.

1 Samuel 6:4

“Antoy ipila min rigalo?” tepet da ray arari. Inmebat ira, “Limaran pelsan balituk tan limaran otut a balituk, ta limaray pangulo na Filistia. Namparan salot so sinmabid sikayon amin tan saray limaran arariy Filistia.

1 Samuel 6:17

Impawit na saray Filisteo so limaran pelsan balituk a rigalo rad Katawan a pambayar dad saray kasalanan da; sakey so para siudad na Asdod; sakey so para siudad na Gaza, sakey so para siudad na Ascalon, sakey so para siudad na Gat, tan sakey so para siudad na Ecron.