Saray Huis 13:6 - Maung A Balita Biblia

⁶ Insan samay bii linmad kinen asawa to tan kuanto, “Dinmagod siak so sakey a too na Dios, tan singa makapataktakot ya anghil na Dios so nengneng to. Ag ko tinepet ed sikato no taga iner, tan ag to imbagad siak so ngaran to.

Maung a Balita Biblia

⁶ Insan samay bii linmad kinen asawa to tan kuanto, Dinmagod siak so sakey a too na Dios, tan singa makapataktakot ya anghil, na Dios so nengneng to. Ag ko tinepet ed sikato no taga iner, tan ag to imbagad siak so ngaran to.

Saray Huis 13:6 Referans Kwoze

1 Samuel 9:6

Inmebat imay aripen, “Alagar ka! Walay sakey a toon masanto ed sayan baley. Bibirbiren da yan too, ta ontutua ray amin ya ibabaga to. Laen ta, ta ag la pigan nibaga to no iner so pakalmoan tad saramay asno.”

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Saray Gawgawa 6:15

Amin ya akayorung ed Sanidrin ninengneng dan maung si Esteban, et anengneng dan singa lupay anghil so lupa to.

Lucas 9:29

Nen mampipikasi, naoman so nengneng na lupa to. Pinmotipotin mankidyam so kawes to.

Lucas 1:19

Inmebat may anghil, “Siak si Gabriel a manalalagey ed arap na Dios. Imbaki to ak a mangibagad sika yan maung a balita.

Daniel 10:11

Inkuan na samay anghil ed siak, “Daniel, inararo ka na Dios. Alagey ka tan dengedengel moy ibagak ed sika. Nibaki ak ed sika.” Kapangibaga to yad siak, inmalagey ak a mangigiwgiw ni.

Daniel 10:5

Tinmangay ak, et anengneng koy sakey a lakin akakawes na linen tan akabalkes na pinon balituk.

Daniel 8:17

Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”

2 Saray Arari 4:9

Inkuan na samay bii ed asawa to, “Anggapoy duaruwak a masanton too yay mabetbet a mipupondo dia.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Saray Arari 4:16

insan inkuanen Eliseo ed sikato, “Diad onya ran agew ed arapen a taon manampopo kay sakey ya anak mon laki.” “Tua?” inkuanto, “Ag mo ak kari titilaan. Sakey kan too na Dios!”

1 Saray Arari 17:24

Inmebat imay balo, “Amtak la natan a sakey kan too na Dios, tan tuan mansasalitay Katawan diad panamegley mo!”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

1 Samuel 2:27

Linmad kinen Eli so sakey a propita a nankuan, “Onyay papaibagay Katawan: ‘Nen si lakim ya Aaron tan say pamilya to et aripen iray ari na Egipto, impaamtak ed sikara so siak a dili.

Saray Huis 13:22

Inkuanen Manoa ed samay asawa to, “Andi-saew ya ompatey ita, ta anengneng ta lay Dios!”

Saray Huis 13:8

Insan nampikasi ed Katawan si Manoa, “Katawan, ipangasim a papawil mod sikami imay too na Dios, ta ibaga tod sikami no antoy nepeg min gawaen no kapaway na ogaw.”

Josue 14:6

Aminsan ya agew wala ray totoon kabyangan na tribu nen Juda a linma rad kinen Josue diad Gilgal. Say sakey ed sikara a si Caleb, say lakin anak nen Jefone a Cenizeo, kuantod kinen Josue, “Amtam so imbaga na Katawan diad Cades-barnea ed kinen Moises a too na Dios nipaakar ed sika tan siak.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Exodo 3:2

Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Genesis 32:29

Inkuanen Jacob, “Ibagam met sirin so ngaran mo.” Balet inmebat, “Akin et labay mo nin naamtaan so ngaran ko?” Binindisionan tod satan si Jacob.

Genesis 18:2

tinmangwa, et anengneng toy taloran totoo a manalalagey irad ag arawin pasen. Binatik to ran tampol ya inabet, insan dinmakmomo ya anggad dalin so lupa to.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

Saray Huis 13:3

Pinmanengneng so anghil na Katawan ed asawa nen Manoa tan kuanto, “Lepes ka, balet ag mabayag manlokun ka tan mananak kay sakey a laki.

Saray Huis 13:7

Balet imbaga tod siak a manlokun ak tan mananak ak na sakey a laki. Imbaga to nid siak ya ag ak balut oninom na anton klasiy alak odino mangan na antokaman a kakanen a sebel, lapud legan a mambilay so iyanak ko sikatoy isaklang ed Dios a sakey a Nazareo.”

Saray Huis 13:10

et batik a tampol tan imbaga tod kinen asawa to, “Gala, Manoa! Samay toon dinmagod siak ed samay aminsan ya agew et pinmanengneng lamet ed siak.”