Saray Huis 11:35 - Maung A Balita Biblia

³⁵ Kanengneng tod sikato, pinilat toy kawes tod ermen to tan kuanto, “O anak ko! Paniingeten moy pagew ko! Akin et sikay makasengeg na mapalalon kagunigon ko. Walay sinambaan kod Katawan, et ag ko la nababawi.”

Maung a Balita Biblia

³⁵ Kanengneng tod sikato, pinilat toy kawes tod ermen to tan kuanto, O anak ko! Paniingeten moy pagew ko! Akin et sikay makasengeg na mapalalon kagunigon ko. Walay sinambaan kod Katawan, et ag ko la nababawi.

Saray Huis 11:35 Referans Kwoze

Saray Salmo 15:4

Babalawen to ray totoon ipopolisay na Dios, balet gagalangen to ray mangoonur ed Katawan. Susumpalen toy amin ya insipan to, anggan antoy nagawad sikato.

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, “O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!”

Saray Gawgawa 23:14

Linma rad manonan papari tan saray mamatakken na baley tan inkuanda, “Masimsimoon min sinambaan ya ag kami ontimtin na anggan anton kakanen, anggad ag mi napatey si Pablo.

2 Samuel 3:31

Kanyan ingganggan nen David ed kinen Joab tan saray totoo to a pilaten day kawes da, mankawes iray sako, tan panermenan day Abner. Nen pompon, nanakar a tinmombuk si Ari David ed longun nen Abner.

Saray Bilang 14:6

Et si Josue ya anak nen Nun tan si Caleb ya anak nen Jefone a kabyangan irad saramay ispia pinipilat day kawes da diad pangipanengneng day ermen da

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Saray Salmo 66:13

Mangawit ak ed abung mo na saray bagat a popoolan; isaklang kod sika ray insipan ko.

Saray Salmo 66:14

Iter kod sikay imbagak ya iter, nen wala ak ed gunigon.