Saray Huis 11:29 - Maung A Balita Biblia

²⁹ Insan nanayam ed Jefte so ispiritu na Katawan. Dinmalan si Jefte ed Galaad tan Manases, insan pinmawil ed Mizpa na Galaad tan linmad Ammon.

Maung a Balita Biblia

²⁹ Insan nanayam ed Jefte so ispiritu na Katawan. Dinmalan si Jefte ed Galaad tan Manases, insan pinmawil ed Mizpa na Galaad tan linmad Ammon.

Saray Huis 11:29 Referans Kwoze

Saray Bilang 11:25

Insan inmakseb a walad lorem so Katawan tan akisalitad kinen Moises. Angala ed ispiritu ya inter tod kinen Moises tan inter tod sikara. Nen dinmapod sikara so ispiritu, ginapwan day inmeyag a singa saray propita, balet ag nambayag.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

1 Samuel 10:10

Nen akasabid Gabaa si Saul tan samay aripen to, sakey ya olup na propita so angabet ed kinen Saul. Biglan linmoob ed sikatoy ispiritu na Dios, tan akikasakey ed gagawaen da.

Saray Huis 13:25

Ginapwan na ispiritu na Katawan a pabiskegen si Samson legan a walad nanleetan na Zora tan Estaol diad Kampo nen Dan.

Saray Huis 10:17

Insan namparaan a mibakal iray Ammonita tan nankampo rad Galaad. Nantitipon iray lalaki ed Israel tan nankampo ra ed Mizpa na Galaad.

Saray Huis 6:34

Inoleyan na ispiritu na Katawan si Gedeon, et pinaknul toy trumpita a panawag ton ontombuk ed sikato iray lalakin kabyangay boleg nen Abiezer.

Genesis 31:49

Inkuan met ni nen Laban, “Bantayan ita komun na Katawan legan a nanarawiyan ita.” Kanyan atawag met iman a pasen na Mispa.

Saray Huis 11:11

Kanyan akilad saramay pangulo na Galaad si Jefte, et saray totoo impagmaliw dan manoley tan pangulo ra. Diad Mizpa pinalinew nen Jefte diad arap na Katawan so labay ton nagawa.

Saray Huis 11:28

Balet ag dinengel na samay ari na Ammon imay impaibaga nen Jefte.

Saray Huis 11:30

Insipan nen Jefte ed Katawan: “Katawan, no panaloen mo ak ed saray Ammonita,

1 Samuel 11:6

Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

1 Samuel 12:11

Imbaki na Katawan si Gideon, insan si Barak, insan si Jefte, insan siak. Balang sakey ed sikami inyagel mi kayod saray kalaban yo, tan niarawi kayod kaatapan.