Saray Huis 10:15 - Maung A Balita Biblia

¹⁵ Balet saray totood Israel kuandad Katawan, “Nankasalanan kami. Gawam so labay mon gawaen, balet iliktar mo kami pa natan.”

Maung a Balita Biblia

¹⁵ Balet saray totood Israel kuandad Katawan, Nankasalanan kami. Gawam so labay mon gawaen, balet iliktar mo kami pa natan.

Saray Huis 10:15 Referans Kwoze

1 Samuel 3:18

Kanyan imbaga nen Samuel iray amin a bengatla; anggapoy inyamut to. Inkuanen Eli, “Sikato so Katawan; gawaen toy antokaman ya isisipen ton maabig.”

2 Samuel 15:26

Balet no aliwan maung so linawa tod siak, akaparaan ak a mangawat ed antokaman a labay ton gawaen ed siak.”

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

Josue 9:25

Natan wala kamid silong na pakayari yo; gawa yod sikami so isisipen yon manepeg.”

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

Jonas 2:4

Abaloan kon ya atawtaw ak la ed arap mo tan ag ko la nanengneng lamet so masanton Timplom.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

1 Samuel 12:10

Insan kinmerew iray tulong ed Katawan tan kuanda, ‘Nankasalanan kami, ta impolisay mi ka, Katawan, tan nanlingkur kamid saray talintaoy diriyos di Baal tan Astarot. Iyagel mo kami pad saray kalaban mi, et panlingkuran mi ka!’

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)

Isaias 26:16

Dinusam iray totoom, Katawan, tan diad paniirap da nampikasi rad sika.