Saray Huis 10:14 - Maung A Balita Biblia

¹⁴ Laka yon ontawag ed saray diriyos a pinili yo. Paiyagel kayod sikara no wala kayod gunigon.”

Maung a Balita Biblia

¹⁴ Laka yon ontawag ed saray diriyos a pinili yo. Paiyagel kayod sikara no wala kayod gunigon.

Saray Huis 10:14 Referans Kwoze

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Isaias 57:13

No onkerew kayoy tulong, pailaban kayod saratay talintaoy diriyos yo. Diad sakey a siplug na dagem, nibantak ira! Balet saray manmamatalek ed siak et nakayaryan day dalin tan igalang da ak ed Timplok.”

Ezekiel 20:39

Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.