Saray Huis 1:27 - Maung A Balita Biblia

²⁷ Ag pinataynan na tribu nen Manases iray totoon manaayam ed saray siudad na Get-sean, Taanac, Dor, Ibleam, Megido, tan saray kaabay dan baley; nansiansian nanayam irad may Cananeo.

Maung a Balita Biblia

²⁷ Ag pinataynan na tribu nen Manases iray totoon manaayam ed saray siudad na Get-sean, Taanac, Dor, Ibleam, Megido, tan saray kaabay dan baley; nansiansian nanayam irad may Cananeo.

Saray Huis 1:27 Referans Kwoze

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

1 Samuel 15:9

Si Saul tan saray totoo to et ag da pinatey si Agag, tan ag da met pinatey iray sankaabigan a karniro, baka, saray kilaw na baka tan kordiro, tan amin a bengatlan walay kana; dineral da balet iray amin ya andi-kana o aliwliwa.

Saray Huis 5:19

Sinmabid Taanac ed gilig na kolus na Megido iray arari tan akilaban ira; akibakal iray arari na Canaan, balet anggapoy imbatik dan pilak.

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Josue 21:25

Manlapud dalin na kapalduay Manases niiter ed sikara so duaran siudad: Taanac, tan Gat-rimon, a pati saray dalin a panagpastolan da.

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Exodo 23:32

Ag kayo misisipanan ed sikara odino anggan diad saray diriyos da.

Saray Huis 1:26

Insan linmad dalin da ray Heteo imay laki, amaalagey na siudad diman, tan inngaran to na Luz a ngaran to ni ya anggad natan.

Saray Huis 1:28

Nen binmiskeg iray Israelita, pinasoot dan nankimey para sikara iray Cananeo, balet ag da ni ran siansia pinataynan.

2 Saray Arari 9:27

Nen anengneng nen Ahazia so agawa, binmatik ya akalogan ed karwahi to tan amaarap ed baley na Bet-hagan. Balet inosilan nen Jehu tan ingganggan to ray totoo to a pateyen da met. Asugatan da nen papabatiken toy karwahi tod dalan a mamaarap ed Gur ya asingger ed baley na Ibleam. Balet ayarian ton intuloy so batik to ya anggad siudad na Megido, tan dia la inatey.

Saray Huis 1:21

Balet ag pinataynan na saray totood tribu nen Benjamin iray Jebuseo a manaayam ed Jerusalem, tan nanlapud saman saray Jebuseo kaiba dan nanayam diman iray totoo nen Benjamin.

1 Samuel 31:10

Insan da inyan ed dalem na timplo na diosan Astarot iray armas nen Saul, tan impasak day kabalgan tod padir na siudad na Bet-san.

2 Saray Arari 23:29

Legan na panaari nen Josias, impangulo nen Ari Neco na Egipto ed Ilog na Eufrates so sakey ya olup na saray sondalo, ta tulongan toy ari na Asiria. Inatey ed bakal si Ari Josias nen diad Megido et inabet ton patondaen ira may sondalo na Egipto.