Saray Hebreo 9:28 - Maung A Balita Biblia

²⁸ Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

Maung a Balita Biblia

²⁸ Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

Saray Hebreo 9:28 Referans Kwoze

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Saray Taga Roma 6:10

Nen sikatoy inatey, aminpinsan ya inatey para kasalanan, tan sikato natay mambibilay para Dios.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

Saray Gawgawa 1:11

“Sikayon lalaki a taga Galilea,” inkuanda, “akin et manalalagey kayon akatangay ed tawen? Sayan Jesus a nanlapud pegley yo tan niatagey ed tawen, et ompawil lamlamang a singa impakanengneng yod sikaton linma ed tawen.”

1 TESALONICA 1:10

Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

Mateo 26:28

ta sikato yay dalak a mamaneknek ed impisipanay Dios, say dalak ya onterter a para amayamay a totoo, pian napirdona ray kasalanan.

2 Pedro 3:12

legan yon aalagdey Agew na Dios. Gawa yoy anggaay nayarian yo a mamaganod isabi na satan ya Agew, say Agew a kapoolan tan kaderal na saray katawenan tan, lapud petang, katonaw na saray bitewen, say agew, tan say bulan.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

1 CORINTO 15:54

No asalatan lay ag naboluk so naboluk tan asalatan lay ag ompatey so ompatey, napatwa lad satay ibabagay Masanton Sulat: “Aderal so Patey, nagnap lay pananalo!”

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

1 Juan 3:5

Amta yo a pinmanengneng si Cristo a mangekal ed saray kasalanan na katoowan, tan anggapoy kasalanan to.

2 TESALONICA 2:1

Nipaakar met ed isabiy Katawan tayon Jesu-Cristo tan say pitipon tayod sikato: kekerewen mid sikayo, agagi,

1 CORINTO 1:7

kanyan amin a bindision aawaten yo, legan ya aalagden yon ompanengneng so Katawan tin Jesu-Cristo.

Saray Taga Roma 5:15

Balet nandomaan ira yan dua, ta ag namparay panangaroy Dios tan say kasalanan nen Adan. Tua a dakel so totoon inaatey lapud kasalanay sakey a too. Balet lalon baleg so panangaroy Dios tan say rigalon inter tod amayamay a totoo diad panamegley na baleg a panangaro na sakey a too—si Jesu-Cristo.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Saray Hebreo 9:25

Say Pangulon Pari da ray Judio onloloob a tinaon-taon ed Sankasantosan Pasen, tan awit toy dala na ayep. Balet si Cristo ag linmoob a mamimpiga-pigan mangibagat na sikaton dili.

Levitico 10:17

“Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Saray Bilang 18:23

Manlapud natan saray Levita labat so manasikaso ed Tulda; sikaray makaoley ed saya tan ebatan day amin a nagawad man. Sayan totontonen et nepeg ya onuren lawas na saray kabyangay boleg yo. Saray Levita et anggapoy mansiansian kayaryan da ed Israel,

Saray Bilang 18:1

Say Katawan kuantod kinen Aaron, “Sika, saray anak mon lalaki, tan saray Levita so nadusa lapud saray kasalanan a sumpad saray totontonen a nipaakar ed Tuldan Ayaman ko; balet sika tan saray anak mo labat so nadusa lapud kasalanan a sumpad saray totontonen a nipaakar ed inkapari.

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Saray Taga Roma 3:25

Imbagat na Dios si Cristo pian, diad panamegley na tinmerter a dala to, napirdona so kasalanay totoo lapud pananisia rad sikato. Ginawa ya na Dios, pian nipanengneng a sikatoy matonung, ta nananos nen saman tan pinalabas toy kasalanay katoowan.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.

Saray Hebreo 10:10

Lapud impangonur nen Jesu-Cristo na linaway Dios, inorasan to ray kasalanan tayo diad panamegley na impangibagat tod sikaton dili, tan duga la ya.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Judas 1:21

Mansiansia kayod panangaroy Dios legan yon aalagdey Katawan tayon Jesu-Cristo, a mangiter na bilay ya andi-anggaan ed sikayo lapud panangasi to.