Saray Hebreo 9:19 - Maung A Balita Biblia

¹⁹ Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.

Maung a Balita Biblia

¹⁹ Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.

Saray Hebreo 9:19 Referans Kwoze

Saray Hebreo 9:12

Amimpinsan a linmoob ed Sankasantosan a Pasen si Cristo, tan duga la man. Aliwan dala na saray kanding tan saray kilaw a baka so inawit ton ibagat, no ingen ag say dilin dala to, tan lapud saya inggamuran to itayoy karondon ya andi-anggaan.

Saray Bilang 19:18

Say sakey a toon malinis onung ed ganggan et mangalay sakey a sangay isopo, idelnet tod samay danum, insan iwalsik tod samay tulda, diad amin a walad dalem to tan amin da ray totoon wadman. Ontan met say sakey a toon malinis onung ed ganggan walsikan toy sakey a toon nandiwit na pokel na inatey odino nandiwit na bangkay odino lobuk.

Saray Bilang 19:6

Insan samay pari mangala na kiew a sidro, sangay isopo, tan sakey ya ambalangan koldon tan ibontuk to rad apoy.

Saray Hebreo 10:4

Ta ag balut makapaandi na saray kasalanan so dala na saray bakan kalakyan tan saray kanding.

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Juan 19:5

Pinmaway sirin si Jesus ya akatooy niliken a sabit ed olo to tan akakawes na granati. Inkuanen Pilato ed sikara, “Nia may too!”

Juan 19:2

Nanliken na sanga-sangan masabit iray sondalo tan ginawa ran singa korona, insan inyan dad olo nen Jesus. Kinawesan da niy granati.

Marcos 15:20

Kasumpal dan niludlurey, nilakseb da may granatin inkawes dad sikato tan insolung da may dilin kawes to. Insan da impaway ya ipasak ed krus.

Marcos 15:17

Sinolungan day Jesus na granatin kawes, nanliken iray sangasangan masabit tan ginawa ran singa korona, insan da inyan ed olo to.

Mateo 27:28

Nilakseban da, insan da sinolungay ambalbalangan kawes.

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Levitico 3:6

No sakey a karniro odino sakey a kanding so ibagat a para kareenan, nayarin sakey a kalakyan odino kabatyan, balet nepeg ya anggapoy deral na laman to.

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Exodo 12:22

Mangala kayoy sangay isopo, isawsaw yod palangganan nankargay dala na ayep, insan yo iporanis ed saray lusek ya akapeketan na puirta tan diad panuksolan ed tagey na puirta na abung yo. Ag kayo ompapaway ed abung yo ya anggad kabwasan.

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

Saray Hebreo 9:13

Say dala na saray kanding tan saray bakan kalakyan tan say dapul na pinoolan a bakan kilaw iwalsik irad totoon nipasen a marotak tan, diad ontan, nipasen iran malinis, onung ed ganggan.

Saray Hebreo 9:18

Kanyan anggan samay onaan a sipanan apaletan labat diad impangikanay dala.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.