Saray Hebreo 8:9 - Maung A Balita Biblia

⁹ Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Maung a Balita Biblia

⁹ Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Saray Hebreo 8:9 Referans Kwoze

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

TAGA GALACIA 4:24

Sakey yan alimbawa a walay kabaliksan to: saramay duaran bibii et iyaaliling day duaran sipanan. Say sakey a sipanan et nanlapud Palandey na Sinai tan iyaaliling ya nen Agar tan saray anak ton aripen.

Marcos 8:23

Intabin nen Jesus imay bulag tan impaway tod baley. Nilukdaan nen Jesus iray mata to may laki tan intapew tod sikato ray lima to, insan tinepet to, “Walay nanenengneng mo?”

Saray Gawgawa 13:11

Natan, sikay dusaen to. Nabulag ka, tan mabayag na daiset so ag mo pakanengneng ed liwaway agew!” Aliknan tampol nen Elimas a singa walay sinmakub ya andeket a kelpa ed saray mata to, kanyan kumarapas a mananap na mangitabin ed sikato.

Saray Gawgawa 9:8

Inmalagey si Saulo. Nen inmorikat to ray mata to ag makanengneng, kanyan intabin da ya anggad Damasco.

Malakias 2:13

Niay sakey nin gagawaen yo. Aamesen yo na lua yo so altar na Katawan, manaakis tan managogul kayo lapud ag to la aawaten iray bagat ya iyaakar yod sikato.

Amos 5:22

No mangyakar kayod siak na saray bagat a popoolan tan saray bagat a trigo ag ko ra awaten. Ag ko awaten iray pinataba yon ayayep ya iyakar yon bagat ed siak.

Ezekiel 16:59

Say Katawan a Dios kuanto, “Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Kanta nen Solomon 8:5

Siopa yay onsasabin manlalapud kalawakan, ya akatabin ed inaro to? Binangon ta kad silong na mansanas, diad pasen a nianakan mo.

Saray Salmo 105:43

Kanyan pinapaway tan inwanwan to ray totoo to, et nankakanta tan naneeyag ira lapud liket.

Saray Salmo 78:57

balet mananumpa ra tan aliwa ran matoor a singa saray lalaki ra, tan ag ira napampiaan a singa panan pikewet.

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

Say Libro nen Job 8:20

Balet ag balut ikaindan na Dios iray totoon matoor; ag to tulongan iray totoon maoges.

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Deuteronomio 29:12

Wadya kayo natan ya onabubon ed sayan pisipanan ed sikayo na Katawan a Dios yo tan mangawat na saray susumpalen a nipaakar ed sayan sipanan,

Deuteronomio 29:1

Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Exodo 34:10

Say Katawan kuantod kinen Moises, “Misipanan ak natan ed saray Israelita. Diad arap da manggawa ak na saray makapakelaw a bengatla ya ag nin balut agawa ed inerman a pasen diad saray bansa ed tapew na dalin. Amin a katoowan nanengneng da ray makapakelaw a gawaen ko, siak a Katawan, lapud manggawa ak para sikayo na makapakebyew a bengatla.

Genesis 19:16

Siansian ngalngali ag onalis si Lot. Balet kinasian na Katawan, kanyan saramay lalaki binembenan dad lima si Lot, say asawa to, tan saray duaran marikit ya anak to, tan inggayugoy da ran impaway ed siudad.

Isaias 41:13

Siak so Katawan a Dios yo; Pabiskegen ta kayo tan ibagak ed sikayo, ‘Ag kayo natatakot; tulongan ta kayo.’”

Saray Tagleey 4:16

Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Isaias 51:18

Anggapoy mangiwanwan ed sika, anggapod saray totoom so mangitabin ed sika.

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Saray Gawgawa 7:36

Sikatoy angipangulod impaway na saray Israelita ed Egipto, tan amayamay so ginagawa ton milagro tan pakelaw diad Egipto, diad Dayat ya Ambalanga, tan diad kalawakan ed loob na apataploy taon.