Saray Hebreo 6:8 - Maung A Balita Biblia

⁸ Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.

Maung a Balita Biblia

⁸ Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.

Saray Hebreo 6:8 Referans Kwoze

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Deuteronomio 29:28

Nagmaliw a mapalaloy pasnuk na Katawan, tan diad gaway pasnuk to binagut to rad dalin da tan imbantak to rad sananey a dalin, et wadman ira natan.’

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Saray Hebreo 12:17

Kabat yo ya ag abayag kasumpal to man, kinerew tod ama to so bindision a para pangulowan. Balet ag niiter yad sikato, ta anggapo lay pankanawnawa ton magbabawid ginawa to, anggaman a nanakis ed impampilalek to.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Marcos 11:21

Anunotan nen Pedro may agawa tan inkuanto, “Katawan, nengneng mo, inatey imay igos ya insambam!”

Marcos 11:14

Inkuanen Jesus ed samay kiew ya igos, “Anggapo lan balut so mangay bungam!” Nadngel ya na saray disipulo to.

Mateo 7:19

Say kiew ya ag mambungay maung, popoen tan poolan.

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Jeremias 17:6

Sikatoy singa abeban kiew ed kabueran— ya ontutubod andi-kakanaan amagan dalin, diad maasin a dalin ya anggapoy tanaman a mabilay; anggapoy antokaman a maabig a nagawad sikato.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Say Libro nen Job 31:40

aliwan say trigo tan say sibada komun so ontubo, no ag ingen saray dika tan saray kasabitan.” Dia nansamput iray salita nen Job.

Genesis 5:29

tan inkuanto, “Itdan to itayo na sayan ogaw na inawa ed amin da ray mairap a kimey tayo ed sayan dalin ya insamba na Katawan”; kanyan inngaran to na Noe.

Genesis 4:11

Nisamba ka; ag mo la nadalusan so dalin a singa inlokas toy sangi to nen inesep toy dala na agim a pinatey mo.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

2 Samuel 23:7

Nakaukolan a mangikana kay kagawaan a balatyang odino pika; sigput a napoolan ira.

Isaias 27:4

Ag ak la mamapasnuk ed kaubasan. No wala bilang iray ambabaing tan sabitan ya eekalen, sigput ko ran poolan.