Saray Hebreo 6:20 - Maung A Balita Biblia

²⁰ Inmona nen sikatayo a linmoob diman si Jesus a mangilaman ed sikatayo. Nagmaliw a pangulon pari ya anggad angga, onung na inkapari nen Melkisedek.

Maung a Balita Biblia

²⁰ Inmona nen sikatayo a linmoob diman si Jesus a mangilaman ed sikatayo. Nagmaliw a pangulon pari ya anggad angga, onung na inkapari nen Melkisedek.

Saray Hebreo 6:20 Referans Kwoze

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Dios—si Jesus ya Anak na Dios.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

Saray Hebreo 5:6

Inkuanto met ed sakey nin partiy Masanton Sulat, “Pari kan anggad angga, onung ed inkapari nen Melkisedek.”

Saray Hebreo 5:10

tan say Dios ginawa ton Pangulon Pari, onung ed inkapari nen Melkisedek.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

Saray Hebreo 9:12

Amimpinsan a linmoob ed Sankasantosan a Pasen si Cristo, tan duga la man. Aliwan dala na saray kanding tan saray kilaw a baka so inawit ton ibagat, no ingen ag say dilin dala to, tan lapud saya inggamuran to itayoy karondon ya andi-anggaan.

Saray Hebreo 8:1

Say labay min ibaga saya: walay onyan Pangulon Pari tayo ya akayorung ed nikawanay trono na Sankatageyan a Dios ed tawen.

Saray Hebreo 2:10

Manepeg ed Dios—say amalsa tan manaasikasod amin a bengatla—a ginawa toy Jesus a nagnap diad panamegley na kairapan, pian pinabangen tod kagalangan to ray amayamay ya anak. Ta si Jesus so mangipapanguloy kilalaban da.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

1 Juan 2:12

Susulaten ta kayo, anak, ta apirdona la ray kasalanan yo lapud ngaran-nen Cristo.

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Saray Salmo 110:4

Say Katawan sinambaan to tan ag to benegan: “Pari kan anggad angga, onung ed inkapari nen Melkisedek.”

Saray Bilang 18:28

Diad onya isaklang yo met a nidoma-doman bagat ed Katawan so kakaplo na kakaplon awaten yo ed saray Israelita. Nepeg yon iter yan bagat a para Katawan ed kinen Aaron a pari.