Saray Hebreo 4:7 - Maung A Balita Biblia

⁷ kanyan inggana toy sakey nin agew a tatawagey “Natan.” Kayariy abaybayag a panaon, inkuantod panamegley nen David diad samay partiy Masanton Sulat ya asalita la, “No narengel yo natay bosis na Dios, ag yo papaawetey olo yo.”

Maung a Balita Biblia

⁷ kanyan inggana toy sakey nin agew a tatawagey Natan. Kayariy abaybayag a panaon, inkuantod panamegley nen David diad samay partiy Masanton Sulat ya asalita la, No narengel yo natay bosis na Dios, ag yo papaawetey olo yo.

Saray Hebreo 4:7 Referans Kwoze

Saray Salmo 95:7

Sikatoy Dios tayo; sikatayoy totoon aasikasoen to, saray karniron tataganoen to. Diad sayan agew, dengel yoy ibabaga to:

Saray Hebreo 3:15

Onyay kuay masanton sulat, “No narengel yo natay bosis na Dios, ag yo papaawetey olo yo, a singa saray lalaki yo nen nilabanan day Dios.”

Mateo 22:43

Tinepet nen Jesus, “Akin sirin et si David, nen pinuyanan na Ispiritu, et tinawag toy ‘Katawan’ so Cristo? Ta inkuanen David,

Saray Gawgawa 28:25

Kanyan nen ag ira makapankakasakey tinmaynan la ra, kasumpal ya inkuanen Pablo, “Tuay imbaga na Ispiritu Santo ed saray lalaki yo diad panamegley nen propita Isaias!

Saray Gawgawa 2:31

Anengneng nen David so gawaen na Dios ed arapen a panaon, kanyan sinalita toy nipaakar ed kiolid bilay na Misias nen kuanto: ‘Ag apaolyan ed pasen a panaayaman da ray inaatey; ag aboluk ed lobuk so laman to.’

Lucas 20:42

Ta si David a dili so angikuan, diad libro na saray Salmo: ‘Say Katawan inkuantod Katawan ko: Yorung ka ed nikawanan ko,

Marcos 12:36

Pinuyanan na Ispiritu Santo si David a nankuan: ‘Say Katawan inkuantod Katawan ko: Yorung ka ed nikawanan ko, anggad napasukok ed sika iray kalaban mo.’

1 Saray Arari 6:1

Inggapo nen Solomon ya impaalagey so Timplo nen kayariy apat a lasus tan walomplon taon manlapud samay agew a tinaynan na saray Israelita so Egipto, tan legan na kumapat a taon a panaari nen Solomon, diad bulan na Sib a kumadwan bulan na taon.

Saray Gawgawa 2:29

“Agagi, ibagak ed sikayon malinlinew ya inatey tan nipompon si David a patriarka. Nanengneng tayo nin anggad natan so lobuk to.