Saray Hebreo 3:19 - Maung A Balita Biblia

¹⁹ Kanyan nanenengneng tayo ya ag ira akaloob ed dalin ya insipay Dios, lapud ag ira anisia.

Maung a Balita Biblia

¹⁹ Kanyan nanenengneng tayo ya ag ira akaloob ed dalin ya insipay Dios, lapud ag ira anisia.

Saray Hebreo 3:19 Referans Kwoze

Judas 1:5

Anggaman a kabat yo la ya, labay kon ipanunot nid sikayo no panoy impangilaban na Katawan ed saray totood Israel diad impangipaway tod sikara ed Egipto, balet kayari to ya, dineral to ray ag anisiad sikato.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Juan 3:18

Ag nadusa so manisiad Anak, balet asintinsiaan lan nadusa so ag manisia, lapud ag anisia ed ngaran na bogbogtung ya Anak na Dios.

Marcos 16:16

Siopamay manisia tan nabinyagan, nilaban; siopamay ag manisia, nadusa.

1 Juan 5:10

Kanyan siopamay manisiad Anak na Dios, walad sikato yan panagtasi. Balet siopamay ag manisisiad Dios, ginawa ton matilay Dios lapud ag to anisiad panagtasi na Dios nipaakar ed Anak to.

2 TESALONICA 2:12

Say pansumpalan to ya et say pakadusa na amin da ray ag anisiad katwaan tan nanliket ed kaogsan.

Deuteronomio 1:32

Balet anggaman ya onmay imbagak, ag yo nin siansia nanmatalkan so Katawan,

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Saray Taga Roma 11:23

Nisoldung iray Judio no ikaindan day ag da panisia, ta nayariay Dios ya isoldung ira.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.