Saray Hebreo 13:6 - Maung A Balita Biblia

⁶ Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Maung a Balita Biblia

⁶ Kanyan manmatalek tayon mangikuan, Say Katawan so mananulong ko, ag ak ontakot! Antoy nagawaan ed siak na too?

Saray Hebreo 13:6 Referans Kwoze

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Saray Salmo 124:8

Say tulong ed sikatayo et manlalapud Katawan, ya amalsay tawen tan dalin.

Saray Hebreo 4:16

Kanyan pakpelen tayoy linawa tayo ya onsingger ed tronoy mapangasin Dios, pian naawat tayoy panangasi tan baleg a panangaroy Dios; sikara yay ontulong ed sikatayo no oras na pankaukolan.

Saray Salmo 56:4

Manmamatalek ak ed Dios, kanyan ag ak antakot; idadayew ko lapud insipan to. Antoy nagawaan ed siak na too?

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Saray Salmo 54:4

Balet say Dios so mananulong ko. Say Katawan so manangyagel ko.

Saray Salmo 33:20

Say Katawan so paniilaloan tayo; sikatoy mananulong tan manangyagel tayo.

Saray Salmo 63:7

ta sika lawas so ontutulong ed siak. Diad silong na saray payak mo mankanta ak lapud liket ko.

Saray Salmo 94:17

No ag ak tinulongay Katawan, wala ak la komun a tampol ed dalin na kareenan.

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

TAGA-EFESO 3:12

Lapud panamegley na pikakasakey tan pananisia tid sikato, walay pankanawnawa tan biskeg na linawa tayon onsingger ed Dios.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 146:3

Ag ka manmamatalek ed saray totoon pangulo; anggapoy toon makapangilaban ed sika.

Deuteronomio 33:26

Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.

Exodo 18:4

Inkuan to met ni, “Say Dios na amak et tinulongan to ak tan inyagel to ak ed pamatey ed siak na ari na Egipto”; kanyan inngaran to na Eliezer imay sakey nin anak to.)

Saray Hebreo 10:19

Kanyan, agagi, bolus ti lan onloob ed Sankasantosan a Pasen diad panamegley na impatey nen Jesus.

1 Samuel 23:17

Inkuanto, “Ag ka natatakot, ta ag ka nadiwit nen amak. Kabkabat to a sikay manari ed Israel tan siak so onkumaduad sika ed betang.”

1 Saray Arari 17:8

Insan inkuan na Katawan ed kinen Elias,