Saray Hebreo 13:4 - Maung A Balita Biblia

⁴ Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Maung a Balita Biblia

⁴ Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Saray Hebreo 13:4 Referans Kwoze

Genesis 2:24

Sikato ya sirin so makasengeg no akin et taynan na laki so ama to tan say ina to tan mikasakey ed asawa to, et magmaliw iran saksakey a laman.

TAGA GALACIA 5:19

Malinlinew iray gawa na inkatoo: inmoralidad, marotak a kabibilay, mabambanday a kagagawa;

TAGA GALACIA 5:21

panagibeg, panagbuanges, alablabas a panagliket, tan arum ni ran singa saraya. Papasakbayan ta ki lamet a singa samay inmona: saray manggawad saraya, ag da natawir so Panariay Dios.

1 CORINTO 6:9

Ag yo ta amtan saray makasalanan et ag da natawir so Panariay Dios? Ag kayo patitilaan! Saray managgaway inmoralidad, saray manangigalang ed saray talintaoy diriyos, saray managkaloguran, saray managliket ed laman na kapara ran laki o kapara ran bii,

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).

1 Timoteo 3:12

Say mananulong nakaukolan a saksakey so asawa to, tan maung so pangipapangulo tod saray anak tan say intiron pamilya to.

1 Timoteo 3:4

Nakaukolan a say pangipapangulo tod pamilya to et maung, oonuren tan gagalangen a maung na saray anak to.

1 CORINTO 7:38

No ontan sirin, maabig ed laki no asawaen toy kasipan to, balet lalon maabig no ag to la asawaen.

Genesis 2:21

Insan say Katawan a Dios pinaogip toy malmalet imay too; nen naogip, angoyus na sakey ed saray taglang to may laki, insan to kinopit so laman ya angalaan to.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Tito 1:6

say matakken nepeg ya anggapoy pakabalawad sikato, sakey labat so asawa to, mananisia ray anak to, tan aliwa ran magolo-golo o benger.

1 Timoteo 5:14

Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

1 Timoteo 4:3

Saratan a totoo isebel day pangasawa tan say pangan na pigara a kakanen. Balet pinalsa na Dios iray nakan a kanen na saray mananisia tan makapikabat ed katwaan, kasumpal dan misalamat ed Dios.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

1 CORINTO 9:5

Anggapo tay kanepegan min mangawit na asawan Cristiano, a singa gagawaen nen Pedro, saray arum ya apostol, tan saray agagi na Katawan?

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

1 Timoteo 3:2

Say panguloy iglisia, sirin, nakaukolan a toon anggapoy pakabalawan, saksakey so asawa to, maadya, makabat, masimpit, amta toy manangkaili, tan nayarian toy mambangat.

Isaias 8:3

Ag abayag nanlokun so asawak. Nen nianak so anak min laki inkuan ed siak na Katawan, “Ngaranan mo na Mahershalal-hash-baz.

2 Saray Arari 22:14

Di Helcias, Ahicam, Acbor, Safan tan Asaya et linma ran angipanon ed sakey a biin manngaran na Hulda, sakey a propita a manaayam ed balo nin kabyangan na Jerusalem. (Say asawa to yan bii a si Sallum ya anak nen Tocat tan apo nen Hasra et sikatoy makaoley ed saray kawes ya isosolung na saray papari no manlingkur irad Timplo.) Imbaga rad kinen Hulda iray agawa,

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Levitico 18:20

Ag ka miaakdul ed asawa na sananey a laki; pagmaliwen to kan marotak onung ed ganggan.

Deuteronomio 22:22

“No narel a miaakdul so sakey a laki ed asawa na sakey a laki, nepeg a pateyen ira tan a duan nanakdul. Diad ontan, napaandipat yo yan kaogsan.

1 CORINTO 6:18

Ag kayo manggagaway inmoralidad. Say toon manggaway inmoralidad mankasalanan ed laman ton dili. Say toon manggaway arum nin kasalanan, anggapoy nagawad laman to.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Levitico 15:18

Kayari impanakdul na sanasawa nepeg a manames iran dua, tan siansia ran marotak ya anggad labi.

Say Libro nen Job 31:12

Singa manliub tan ag naerep ya apoy a mangoput ed amin a kayaryan ko.