Saray Hebreo 13:11 - Maung A Balita Biblia

¹¹ Say Pangulon Pari aawiten tod Sankasantosan a Pasen so dala na ayayep ya ibagat para saray kasalanan, balet saray laman da ra yan ayayep poolan ed paway na kampo.

Maung a Balita Biblia

¹¹ Say Pangulon Pari aawiten tod Sankasantosan a Pasen so dala na ayayep ya ibagat para saray kasalanan, balet saray laman da ra yan ayayep poolan ed paway na kampo.

Saray Hebreo 13:11 Referans Kwoze

Levitico 16:27

Say laman na samay baka tan samay kanding ya imbagat a para kasalanan a say dala ra et niakar ed Sankasantosan a Pasen a pangekal na kasalanan, et iyakar irad paway na kampo tan diman ira poolan. Say katat, say karni, tan saray pait et poolan ira.

Exodo 29:14

Balet poolan mod paway na kampo so laman na bakan kalakyan, say katat to tan say pait to; sikatoy bagat a para kasalanan.

Saray Bilang 19:3

insan yo iter ed kinen Eleazar a pari. Iyakar ed paway na kampo so baka tan pateyen ed arap nen Eleazar.

Levitico 9:11

Balet pinoolan tod paway na kampo so karni tan say katat na samay ayep.

Levitico 6:30

Balet no walay dala a niakar ed dalem na Tulda tan nikana ed sirimonya a pangekal na kasalanan, say ayep ya akandala et ag nepeg a kanen; nepeg a poolan.

Levitico 9:9

Saramay anak to inyakar dad sikato so dala, indelnet tod samay dala so tamoro to, pinoranisan to may pinagkasaklur ed saray suyok na altar, tan inibung tod leksab na altar so keran dala.

Saray Bilang 19:7

Kayari to ya, ipesak toy kawes to tan kalboan toy laman to na danum, insan nayarian to lay onloob ed kampo; balet siansian marotak ni onung ed ganggan ya anggad labi.

Ezekiel 43:21

Nepeg mon alaen imay bakan kalakyan a nisaklang a bagat a para kasalanan, insan mo poolan ed sakey a niganan pasen diad paway na solar na Timplo.

Levitico 6:11

Insan mansalat na kawes tan iyakar tod paway na kampo ira may dapul diad pasen a malinis onung ed ganggan.