Saray Hebreo 12:5 - Maung A Balita Biblia

⁵ Alingwanan yo la sirin imay imbilin na Dios ed sikayon anak to, saramay salitan makapabiskeg na linawa yo? “Anak ko, ag mo mumurmuraen so panusa ed sika na Katawan, tan no pampasnukan to ka, ag mo pakakapoyey linawam.

Maung a Balita Biblia

⁵ Alingwanan yo la sirin imay imbilin na Dios ed sikayon anak to, saramay salitan makapabiskeg na linawa yo? Anak ko, ag mo mumurmuraen so panusa ed sika na Katawan, tan no pampasnukan to ka, ag mo pakakapoyey linawam.

Saray Hebreo 12:5 Referans Kwoze

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

1 CORINTO 11:32

Balet no dusaen itayoy Katawan, labay to itayon peteken, pian ag itayo nasintinsiaay dusa a kaiba tayoy sankamundoan.

Saray Salmo 94:12

Katawan, agaylay liket na toon bibilinen mo, say toon babangatan mo na ganggan mo!

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Saray Salmo 119:109

Sipaparaan ak a mangipostay bilay ko; ag ko nilingwanay ganggan mo.

Jeremias 31:18

“Narerengel kon maermen ya ibabaga na saray Israelita, ‘Katawan, nen saman singa kami maatap a bakan kalakyan, balet binabangatan mo kamin ontoluk. Papawil mo kami pa; sipaparaan kamin ompawil ed sika, Katawan a Dios mi.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Saray Salmo 118:18

Mapalaloy impanusay Katawan ed siak, balet ag to ak inabuloyan ya ompatey.

Saray Hebreo 12:7

Anosan yoy antokaman a kairapan yo tan ipasen yon panangibangat na sakey ya ama. Labay to yan ibaga a say Dios ipapasen to kayon anak to. Siopay anak ya ag dusaen na ama to?

Probirbio 3:1

Anak ko, ag mo lilingwanan so ibabangat kod sika. Nunot mo lawas iray ganggan kod sika.

Probirbio 4:5

Anap mo so kakabatan tan say pakatalus! Ag mo lilingwanan o ipopolisay iray ibabagak.

Saray Salmo 119:83

Andi-kakanaan ak a singa imbantak a supot a katat a pananginay alak; anggaman ontan ag ko lilingwanan iray ganggan mo.

Saray Salmo 119:16

Panliliketan ko ray ganggan mo; ag ko lingwanan iray ganggan mo.

Say Libro nen Job 34:31

Job, impatuam lad Dios iray kasalanan mo tan insipan mon ag ka la mankasalanan lamet?

Lucas 24:6

Andi dia, ta inmoli lad bilay. Natandaan yo ni no antoy imbaga tod sikayo nen walad Galilea?

Lucas 24:8

Saramay bibii anunotan da no anto ray imbaga to.

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Saray Tagleey 3:39

Akin et naynay itayon manriklamo no nadudusa itayo lapud kasalanan tayo?

TAGA GALACIA 6:9

Kanyan ag itayo onsasawan manggaway kamaungan; ta no ag tayo onsawa, andi-saew a manani tayo no onsabi lay panagani.

1 Timoteo 1:20

Saray arum ed saraya et sikara di Himeneo tan Alejandro; sikara lay impalimak ed pakayari nen Satanas, pian nabangatan ira ya ag la ra mansalitay maoges sumpad Dios.

Saray Hebreo 13:22

Kekerewen kod sikayo, agagi, ya anosan yon dengelen yan bangat kon mamabiskeg na linawa yo, ta antikey met yan sulat kod sikayo.