Saray Hebreo 11:37 - Maung A Balita Biblia

³⁷ Wala rad sikaray tinutupak, wala ray impankadwan nilagari, tan saray arum pinatey da rad ispada. Nanakar-akar iran sikakawes na katat na karniro odino kanding; mairap-bilay ira, pinapairap tan pinapabaingan da ra.

Maung a Balita Biblia

³⁷ Wala rad sikaray tinutupak, wala ray impankadwan nilagari, tan saray arum pinatey da rad ispada. Nanakar-akar iran sikakawes na katat na karniro odino kanding; mairap-bilay ira, pinapairap tan pinapabaingan da ra.

Saray Hebreo 11:37 Referans Kwoze

2 Saray Awaran 24:21

Akikomplut si Ari Joas ed saray totoo sumpad kinen Zacarias, et nen ingganggan to tinupak dad patio si Zacarias.

Jeremias 26:23

Manlapud Egipto inyakar dad kinen Ari Joakim si Urias; impapatey nen ari insan to impaibantak so bangkay to ed panangipomponan ed saray karaklan.)

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

2 Saray Arari 1:8

“Akakawes na katat na ayep tan akabalkes met na katat,” ebat da. “Si Elias iman!” inkuan na ari.

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

2 CORINTO 12:10

Kanyan no say makasengeg et si Cristo andi balin makapoy ak, napabaingan, napaermen, napasegsegang, tan napairap ak. Ta no kapigan a makapoy ak, diman ak mabiskeg.

Saray Gawgawa 14:19

Wala ray Judion sinmabid man a nanlapud Antiokia tan Iconio. Atanggoyur da ray totoo a pilaan da ra, kanyan tinutupak day Pablo, insan da inggagayugoy ed paway na baley, ta abaloan dan inatey la.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Mateo 21:35

Balet siningkat na saray kasamak ira may aripen. Pinepekpek day sakey, pinatey da niy sakey, tan tinutupak day kumatlo.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Mateo 3:4

Bagoy kamilyo so kawes nen Juan, tan katat so balkes to. Dorun tan dilo so impambilay to.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

1 Saray Arari 19:14

Inmebat, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 Saray Arari 19:1

Imbaga nen Ari Acab ed kinen asawa ton Jezebel iray amin a ginawa nen Elias tan say impamatey tod amin da ray propita nen Baal.

1 Saray Arari 18:13

Ag mo ta nadngelan a nen papateyen nen Jezebel iray propita na Katawan et pinaamut kon alimamplo ed saray ongib iray sanlasus ed sikara, iniitdan ko ray tagano tan say nainom da?

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

2 Samuel 12:31

tan impankikimey to ray totood man diad panamegley na saray ligari, buka, balatyang, tan wasay a balatyang. Pinapasoot to ran impanggagaway ankakabaleg a laryo. Onya met so ginagawa tod saray totood arum a baley na Ammon. Insan pinmawil ed Jerusalem a kaiba to ray totoo to.

1 Saray Arari 19:13

Nen nadngel nen Elias insakbung tod lupa toy kolibemben to, pinmaway tan nanalagey ed wangalay ongib. Inkuan ed sikato na samay bosis, “Elias, antoy gagawaen mo dia?”

1 Saray Arari 19:19

Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

2 Saray Arari 2:8

Inekal nen Elias so kolibemben to, nilokut to, insan impaspas tod danum; apaldua so danum, insan dinmalan iran dua nen Eliseo ed amagan dalin nen binmasil ira.

2 Saray Arari 2:13

Insan to dinokdok so kolibemben a naplag a nanlapud laman nen Elias, pinmoliktar tan nanalagey ed gilig na Ilog na Jordan.

1 Saray Awaran 20:3

Inala nen David iray totood mad siudad tan impankikimey to rad panamegley na saray ligari, bukan balatyang, tan wasay. Onya met so ginagawa tod saray totood arum a baley na Ammon. Insan pinmawil ed Jerusalem a kaiba to ray totoo to.

Zacarias 13:4

No onsabiy tan a panaon, anggapoy propitan makapangikinon ed saray pasingayew to odino ompasen a singa propita odino mansolung na magasal a kawes na propita, pian mamalikdod saray totoo.

Saray Hebreo 11:25

Nilabay to niy midamay ed kairapan da ray totooy Dios nen say mambilay a magano ed likeliket na kasalanan.

Saray Hebreo 13:3

Nunot yo ray apriso tan midamay kayod sikara, a singa kaiba yo rad prisowan. Nunot yo met iray napapairap, ta nayarin napairap kayo met.