Saray Hebreo 11:32 - Maung A Balita Biblia

³² Anto niy nayarin ibagak? Anggapo lay nakdaan a panaon kon mangisalaysay ni na nipaakar ed kindi Gideon, Barac, Samson, Jefte, David, Samuel, tan saray propita.

Maung a Balita Biblia

³² Anto niy nayarin ibagak? Anggapo lay nakdaan a panaon kon mangisalaysay ni na nipaakar ed kindi Gideon, Barac, Samson, Jefte, David, Samuel, tan saray propita.

Saray Hebreo 11:32 Referans Kwoze

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 1:20

Nanlokun sirin tan nananak na sakey a laki. Inngaran to na Samuel, ta inkuanto, “Kinerew ko ed Katawan.”

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

Juan 21:25

Dakerakel ni ray arum a ginagawa nen Jesus a no isulat iran amin, isipen kon ag nakargay intiron mundo ray libron pangisulatan.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Saray Taga Roma 4:1

Anto sirin so nibaga tayon nipaakar ed kinen Abraham a sengeg na boleg tayo? Antoy agamuran to?

Saray Taga Roma 3:5

Balet antoy kuan tayo, no say panggagawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)

Saray Gawgawa 13:20

ed loob na ngalngalin apat a lasus tan limay taon. “Kasumpal to ya, initdan to ra na amayamay a huis, anggad panaon nen Samuel a propita.

Saray Gawgawa 10:43

Amin da ray propita nansalita ra nipaakar ed sikato, tan inkuandan siopamay manisiad sikato et napirdona ray kasalanan to diad panamegley na ngaran to nen Jesus.”

Saray Gawgawa 3:24

Saray propita, manlapud si Samuel tan amin a tinmombuk ed sikato, impasakbay da met ira yan agew.

1 Samuel 12:11

Imbaki na Katawan si Gideon, insan si Barak, insan si Jefte, insan siak. Balang sakey ed sikami inyagel mi kayod saray kalaban yo, tan niarawi kayod kaatapan.

2 Pedro 3:2

Labay kon nunoten yo lawas iray sinasalita nen saman na saray masanton propita, tan say ganggan na Katawan tan Manangilaban ya imbangat na saray apostol a nibakid sikayo.

Santiago 5:10

Agagi, alig yoy impantetepel tan impanaanos da ray propitan nansalitad ngaray Katawan.

Saray Taga Roma 6:1

Antoy nibaga ti natan? Ituloy tayo kasiy mankasalanan pian ombaleg so panangaroy Dios ed sikatayo?

Lucas 16:31

Balet kuanen Abraham, ‘No ag da dengelen si Moises tan saray propita, ag da met panisiaan so anggan toon naolid bilay.’”

Lucas 13:28

Agaylad satay pannangis tan panngalatenget na ngipen yo no nanengneng yo ra di Abraham, Isaac, Jacob tan amin da ray propita a wala rad Panariay Dios et nibantak kayo balet ed paway!

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

1 Samuel 2:18

Si ogaw a Samuel intuloy toy nanlingkur ed Katawan, tan akasolung na ipod a linen.

1 Samuel 2:11

Insan sinmempet ed Rama si Elcana, balet nanayam ed Silo si ogaw a Samuel tan nanlingkur ed Katawan diad silong na panangiwanwan nen Eli a pari.

Saray Huis 13:24

Nananak imay bii na sakey a laki tan inngaran to na Samson. Binmaleg imay ogaw tan binindisionan na Katawan.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

Saray Huis 4:1

Kayari na impatey nen Aod, nankasalanan lamet ed Katawan iray Israelita.

Saray Huis 6:1

Nankasalanan lamet ed Katawan iray Israelita, kanyan inabuloyan ton naoleyan iran pitoy taon na saray totoon taga Madian.

Saray Huis 6:14

Insan say Katawan ingganggan toy Gedeon, “Laka, ta ipakanam so biskeg tan pakayarim a mangiliktar ed saray Israelita ed pakayari na saray Madianita. Siak a dili so mangigaganggan ed sika.”

Saray Huis 15:20

Duamploy taon ya impangulo nen Samson so Israel legan na impanoley na Filistia ed dalin.

1 Samuel 2:4

Napoter iray pana na saray mabiskeg a sondalo, balet ombiskeg iray makapoy.

1 Samuel 17:45

Inmebat si David, “Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.