Saray Hebreo 11:27 - Maung A Balita Biblia

²⁷ Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Maung a Balita Biblia

²⁷ Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Saray Hebreo 11:27 Referans Kwoze

Saray Hebreo 11:13

Diad pananisia, inatey ira yan amin a totoo. Ag da agamuran iray insipay Dios, balet malikeliket irad impakanengneng dad sarayan sipan, anggaman a mabayag niy pakagawad saraya. Binirbir dan sangkaili ra tan mimiayam ira labat diad tapew na dalin.

2 CORINTO 4:18

Ta nenengnengen mi so bengatlan ag nanengneng, aliwan saray nanengneng; mangangga ray nanengneng, balet andi-anggaan iray ag nanengneng.

Saray Hebreo 11:1

Say pananisia say ag panduaruwad saray bengatlan iilaloan tan say panmatalek ed kiwawala na saray bengatlan ag nanengneng.

Santiago 5:11

Ipasen tayon maliket ira, ta nanaanos ira. Nadngelan yoy impananos nen Job tan amta yo so ginaway Katawan ed sikato diad kaonuran, ta maaro tan mapangasin maung so Katawan.

Exodo 11:8

Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Exodo 4:19

Diman ed Madian say Katawan inkuantod kinen Moises, “Pawil ka lad Egipto, ta amin da ra may totoon malabay a mamatey ed sika et inaatey la ra.”

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Saray Hebreo 10:32

Nunot yo pay agawad sikayo nen saman. Nen saman iran agew, kasumpal ya aliwawaan kayo, agaylay impaniirap yo, balet ag kayo atalo.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

1 CORINTO 13:7

Say aro et ag balut onsuko, tan ag balut naandian na pananisia, ilalo, tan anos.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Exodo 12:11

No kanen yo, nepeg ya akakawes ki la na pambiahi yo, akasandalya kayo la tan sankabembenan yo lay baston yo; ganatan yoy mangan. Sikatoy Pista na Paskua a pamagalang ed siak a Katawan.

Saray Hebreo 6:15

Maanos a nanalagar si Abraham, kanyan agamuran toy insipan na Dios ed sikato.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Saray Gawgawa 2:25

Ta, nipaakar ed sikato, inkuanen David, ‘Anengneng koy Katawan a wala lawas ed arap ko; walad abay ko, et ag ak nasigensigen.

Marcos 13:13

Bosulen kayoy amin a katoowan lapud siak. Balet nilaban so toon mansiansia ya anggad kasamputan.”

Marcos 4:17

Balet ag onlamut; kanyan ag mansiansiad puso ra. Kanyan no onsabi lay kairapan o sikara lay napasegsegang makasengeg ed salitay Dios, bigla la ran ombetel.

Mateo 24:13

Balet nilaban so toon mansiansia ya anggad kasamputan.

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Exodo 12:50

Tinmoluk ya amin iray Israelita, tan ginawa ra so ingganggan na Katawan ed kindi Moises tan Aaron.

COLOSAS 1:15

Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.