Saray Gawgawa 9:36 - Maung A Balita Biblia

³⁶ Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Maung a Balita Biblia

³⁶ Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya sakey ya ulsa so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Saray Gawgawa 9:36 Referans Kwoze

Tito 3:8

Sikato yay tuan bangat. Ipurek mo ra yan bengatla, pian saray mananisiad Dios et ompaga ran manggaway kamaungan. Maabig tan makana ra ya ed saray totoo.

Tito 2:7

Ipanengneng mo diad anggan anton pamaakaran, ya oliran kad maabig iran gawgawa. Nepeg a matoor kad panagbangat mo, tan ag mo gagalaw-galawen.

2 Saray Awaran 2:16

Mamatang kamid saray palandey na Libano na amin a naukolan mon sidro. Kayari to singeren mi ran singa lamo, insan mi ra iyanur ed dayat ya anggad Jope. Akaoley kayo lan mangalad man ya iyakar ed Jerusalem.”

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Saray Gawgawa 10:31

tan inkuanto, ‘Cornelio, dinengel na Dios so panagpikasim tan binirbir toy panagtulong mod kaparam a too.

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 TESALONICA 4:10

Tan onyan tuay gagawaen yod amin da ray agagid intiron Macedonia. Anggaman ontan, kekerewen mi nid sikayo, agagi, ya aruman yo niy panangaro yo.

FILIPOS 1:11

Napano kid satan na matonung iran kagagawa a si Jesu-Cristo labat so makapangiter, a pakagalangan tan pakadayewan na Dios.

Juan 15:8

No mambunga kayoy dakel, napagalangay Amak tan napatnagan a disipulo ta kayo.

Juan 15:5

“Siak so sengeg na ubas, sikayo ray sanga. Say mansiansiad siak tan siak ed sikato, mambungay dakerakel. Ta no andi ak, anggapoy nagawaan yo.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Probirbio 5:19

Say asawam et magana tan balibaliy kagagawa to a singa ulsa. Panliketen ka komun na ganggana to; nalingbus ka komun na aro to.

Josue 19:46

Me-jarcon, tan Racon; ontan met ed kaliber-liber na Jope.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

Kanta nen Solomon 8:14

O Inarok, gala diad siak, ganatan mon singa korso, singa kalakyan a kilaw na ulsa ed kapalandeyan a tutuboan na tanaman a gagawaen a pabalingit.

Kanta nen Solomon 3:5

Isipan yod siak, sikayon bibiid Jerusalem; mansamba kayod ngaran na mabatik ya ulsa tan diad ayep a korso ta ag yo kami sisigensigenen ed arowan min dua.

Kanta nen Solomon 2:9

Singa sakey a korso so inarok, singa sakey a kalakyan a kilaw na ulsa. Wadman lan manaalagey ed abay na padir. Ontatakiling ed bintana, onnenengneng ed leet da ray barandilyas.

Saray Gawgawa 9:38

Asingger so Jope ed Lida, kanyan nen nadngelan na saray disipulod Jope a walad Lida si Pedro, angibaki ray duaran totoo tan papaibaga ra, “Mila ka karin tampol ed sikami.”

Saray Gawgawa 9:42

Kinmayat yan agawa ed intiron Jope, kanyan amayamay so anisiad Katawan.

Saray Gawgawa 10:8

Imbaga tod sikaray agawa, insan to la ra imbakid Jope.

Saray Gawgawa 10:23

Pinatuloy to ra nen Pedro, tan diman ira naogip ed saman a labi. Diad ontombuk ya agew, namparaan tan akilad sikara. Wala met iray pigaran agagin taga Jope ya akila.

Saray Gawgawa 11:5

“Nen wala ak ed siudad na Jope a mampipikasi, akanengneng ak na sakey a payawar. Anengneng kon walay nanlapud tawen ya onleleksab a singa balbaleg ya oles a mambitbitin so apatiran suyok to, tan tinmondad abay ko.

Saray Gawgawa 11:13

Imbaga tod sikami so impakanengneng toy sakey ya anghil a manalalagey ed abung to a nankuan, ‘Mangibaki kad Jope na mangawit ed sakey a toon manngaray Simon a tatawagen met na Pedro.

Mateo 25:17

Ontan met so ginawa to may akaawat na duan libo, tan akatuboy duan liboy pisos.