Saray Gawgawa 9:31 - Maung A Balita Biblia

³¹ Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Maung a Balita Biblia

³¹ Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Saray Gawgawa 9:31 Referans Kwoze

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Probirbio 23:17

Ag mo iibegan iray totoon makasalanan; igalang mo lawas so Katawan.

Saray Salmo 86:11

Katawan, ibangat mo ak pad labay mon gawaen ko, et matoor ta kan onuren; ibangat mo ak pan manlingkur ed sika diad intiron pusok.

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Saray Gawgawa 8:1

Inabubonan nen Saulo so impamatey dad kinen Esteban. Diad saman ya agew, ginmapoy impamairap dan maung ed iglisiad Jerusalem. Amin a mananisia, likud ed saray apostol, nikaykayat irad saray luyag na Judea tan Samaria.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Nehemias 5:9

Insan inkuanko, “Makapoy itay gagawaen yo! Nepeg yon takotan so Dios tan gawaen so antokaman a kaptekan. Ag yo naitdan ed satan iray kalaban tayon Hentil na pankanawnawan manludlurey ed sikatayo.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

2 CORINTO 13:10

Isusulat ko ra yan bengatla legan ya andi ak nid tan, pian no onsabi ak et ag la nakaukolan a masebesebeg ak ed sikayo, diad pangikanak na pakayarin inter ed siak na Katawan. Niiter ed siak yan pakayari a pankaabigan yo, aliwan kaderalan yo.

2 CORINTO 10:8

Ag ak ambaing, anggan impasirayew kon maung bilang so pakayarin inter na Katawan ed sikami, salanti say pakayarin mamabiskeg, aliwan maneral ed sikayo.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

Saray Gawgawa 16:5

Kanyan binmiskeg so pananisia da ray amin a kabyangan na saray iglisia, tan inagew-agew a dinmakel so bilang da.

Saray Gawgawa 12:24

Ag tinmondan kinmayat so salitay Dios, tan mandakel lan mandakel iray manisia.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Judas 1:20

Balet mampabiskeg kayo, inararon agagi, ed sankasantosan a pananisia yo. Mampikasi kayo diad pakayari na Ispiritu Santo.

Saray Hebreo 4:9

Kanyan wala ni sirin so agew a panagpainawa a nakdaan para saray totooy Dios, a singa impampainaway Dios diad kumapiton agew.

1 Timoteo 1:4

Ibagam met ed sikara ya ag da la panaabalaay oras iray tongtong ya andi-kakanaan tan andorokey a listaan na kangaranay inmonan lalaki, ta panlapwan ira labat na sangsangan. Sakey ni, ag ira makatulong ed iyaligwas na planoy Dios, a nakabatay too diad panamegley na pananisia.

1 TESALONICA 5:11

Kanyan ituloy yoy mansisimbawaan tan mantutulongan, a singa gagawaen yo natan.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

FILIPOS 2:1

Pabibiskegen kayo kasiy bilay yod Cristo? Liligliwaen kayo kasiy aro to? Wala kasiy pikakasakey yod Ispirito? Mankakasiyan tan manaarowan kayo kasi?

TAGA-EFESO 5:21

Manoonuran kayo ta sikato yay pakanengnengan na pangigagalang yod Cristo.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

TAGA-EFESO 4:16

Lapud panangitonton to, maokoksuy ya amin iray kabyangay laman, tan say intiron laman et impampepeketan na saray langolangowan. No balang kabyangay laman et mankikimey onung ed kanepegan ton gawaen, ombaleg tan ombiskeg so intiron laman diad panamegley na aro.

2 CORINTO 12:19

Abaloan yo lagi, nanlapud gapo ya anggad natan, iyaagel miy sikamin dili ed arap yo. Andi! Mansasalita kami diad arap na Dios onung ed labay nen Cristo. Amin a gagawaen mi, inararon agagi, et pankaabigan yo.

1 CORINTO 14:26

Anto sirin so labay kon ibaga ed sarayan amin, agagi? Diad pantitipon yo a mangigalang, walay manganta, walay mambangat, walay mangipaamta na puyan na Dios, wala met so mansalitay nandoroman salita, tan walay mangipatalus ed sarayan salita. Gawa yo ray amin a bengatlan makapabiskeg ed iglisia.

1 CORINTO 14:12

Bangta pampilalekan yoy pakagamur yo ray maispiritun langkap, pampelengan yon maung iray langkap a makapabiskeg ed iglisia.

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

Zacarias 8:20

Say Katawan a Makapanyarin-amin kuanto, “Onsabiy panaon a saray totood amayamay a siudad et onla rad Jerusalem.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Saray Salmo 94:13

Iitdan mo na inawa no panaoy gunigon, anggad pakakotkot na abut a pamatit ed saray makasalanan.

1 Saray Awaran 22:18

Inkuanto, “Walad sikayoy Katawan a Dios yo tan initdan to kayoy kareenan ed kaliber-liber yo. Impadakep tod siak iray amin a totoon nanaayam ed sayan dalin, tan wala la rad silong na pakaoley yo tan diad Katawan.

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.

Saray Huis 3:30

Diad saman ya agew tinalo na saray Israelita so Moab, tan walomplon taon a nanarid dalin na Israel so kareenan.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Deuteronomio 12:10

No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Saray Gawgawa 2:47

Indadayew day Dios tan labalabay iray amin a totoo. Inagew-agew, saray totoon nilaban inyaarum na Katawan ed grupo ra.

Saray Gawgawa 5:11

Ataktakot a maung so intiron iglisia tan amin ya akabalitad saya.

Saray Gawgawa 20:32

“Natan, ipia ta kayod panangasikasoy Dios tan diad salita ton mamapaneknek na baleg a panangaro to. Napabiskeg to kayo tan naitdan to kayoy amin a bindision ya igagana tod saray totoon pinasanto to.