Saray Gawgawa 9:17 - Maung A Balita Biblia

¹⁷ Linma sirin si Ananias, linmoob ed abung, tan intapew to ray lima tod kinen Saulo. “Agin Saulo,” inkuanto, “imbaki ak dia na Katawan, say dilin Jesus a nampanengneng ed sikad dalan nen oonla ka dia. Imbaki to ak dia, pian makanengneng ka lamet tan napano kay Ispiritu Santo.”

Maung a Balita Biblia

¹⁷ Linma sirin si Ananias, linmoob ed abung, tan intapew to ray lima tod kinen Saulo. Agin Saulo, inkuanto, imbaki ak dia na Katawan, say dilin Jesus a nampanengneng ed sikad dalan nen oonla ka dia. Imbaki to ak dia, pian makanengneng ka lamet tan napano kay Ispiritu Santo.

Saray Gawgawa 9:17 Referans Kwoze

Saray Gawgawa 8:17

Intatapew di Pedro tan Juan iray lima ra ed sikara, tan inaawat na sarayan totoo so Ispiritu Santo.

Saray Gawgawa 6:6

Inyarap da rad saray apostol; insan impikasi ra na saray apostol, tan intatapew da ray lima ra ed sikara.

Saray Gawgawa 2:4

Apano ra na Ispiritu Santo tan nansasalita ray nandoroman salita, onung ed inter ed sikara na Ispiritu.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

Saray Gawgawa 13:52

Saramay mananisia balet ed Antiokia agaylay liket da tan napno ray Ispiritu Santo.

Saray Hebreo 6:2

say bangat a nipaakar ed saray binyag, say pangitapew na saray lima; say kiolid bilay na saray inaatey, tan say andi-anggaan a pananintinsiay Dios.

Filemon 1:16

Aliwan sakey ya aripen labat natan, no ag ingen sakey lan inararo ya agid Cristo. No panoy panangarok ed sikato, lalon inararom, ta sikatoy aripen mo tan agim ed Katawan!

2 Timoteo 1:6

Lapud saya, ipanunot kod sikan mansiansia ka ed kimey ya inter na Dios ed sika nen intapew ko ray limak ed sika.

1 Timoteo 4:14

Ag mo papaolyay maispiritun langkap a walad sika, a niiter ed sika nen nansasalita ray propita tan intapew na mamatakken ed sika iray lima ra.

1 CORINTO 15:47

Say inmonan too, nanlapud dalin, ta pinalsad dabuk; say kumadwan too nanlapud tawen.

1 CORINTO 15:8

Diad kasamputan, pinmanengneng met ed siak, anggaman a kaparak so ogaw a nianak ed oras ya ag ilaloan,

Saray Taga Roma 15:7

No panoy impangawat nen Cristo ed sikayo, ontan met komun so panaawatay sakey tan sakey ed sikayo, pian napagalangan yoy Dios.

Saray Gawgawa 26:15

‘Siopa ka, Katawan?’ tinepet ko. Inkuan na Katawan, ‘Siak si Jesus a papairapen mo.

Saray Gawgawa 21:20

Nen nadngel da ya, indayew day Dios. Insan inkuandad kinen Pablo, “Amtam, agi, pigan libo la ray Judion manisiad kinen Jesus, tan maseseg so panusumpal dad Ganggan nen Moises.

Saray Gawgawa 19:6

Intatapew nen Pablo ray lima to ed sikara, et linmeleksab ed sikara so Ispiritu Santo, nansasalita ray nandoroman salita, tan nampropisiya ra.

Saray Gawgawa 13:3

Nanayuno tan nampikasi ra, intatapew da ray lima ra ed saramay duara, insan da ra pinasiput.

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Lucas 15:30

Balet satan ya anak yo, dinarak to ray amin a kayaryan yo ed marorotak a bibii. Natan ta pinmawil, pinatey yoy pinataban bakan kilaw para sikato!’

Lucas 2:11

Ta diad sayan agew, nianak ed baley nen David so Manangilaban, say Criston Katawan!

Lucas 1:76

“Sika balet, anak, natawag ka a propitay Sankatageyan a Dios. Ta onla kan onona nen say Katawan ya iparaan moy dalanen to;

Marcos 6:5

Kanyan ag to akagawad man na milagro. Anggaman ontan, intatapew toy lima tod pigaran mansasakit tan pinapaabig to ra.

Mateo 19:13

Wala ray totoon angawit na ogogaw ed kinen Jesus, ta labay dan itapew to ray lima tod sarayan ogogaw tan ipikasi to ra. Balet nampasnuk iray disipulo ed sarayan totoo.

Genesis 45:4

Insan inkuanen Jose ed sikara, “Asingger kayo pa.” Sinmingger ira, insan inkuanto, “Siak si agi yon Jose ya inlako yod Egipto.

Marcos 5:23

tan akikasi, “Ompapatey so anak kon manmarmarikit. Mila ka kari, ta itapew mo labat so limam ed sikato, et onabig tao mambilay!”

Lucas 1:41

Nen nadngel nen Elizabet imay impangigalang nen Maria, ginmalaw so ogaw ed eges to. Napnoy Ispiritu Santo si Elizabet

Lucas 1:67

Napnoy Ispiritu Santo si Zacarias ya ama na ogaw tan onyay propisiya to:

Saray Gawgawa 9:18

Kabebekta walay apagpag a singa ra siksik a nanlapud saray mata to, tan akanengneng lamet. Inmalagey tan nampabinyag.

1 CORINTO 9:1

Aliwa ak ta a toon bolus? Aliwa ak ta ya apostol? Ag ko ta anengneng si Jesus a Katawan tayo? Aliwa kasin sikayo ray bungay panlilingkur kod Katawan?

2 Pedro 3:15

Ipasen yon say panaanos na Katawan et say pangiter tod sikayoy pankanawnawan nilaban. Onya met so insulat ed sikayo na inararo tayon agi a si Pablo. Diad impansulat to, inkana toy kakabatan ya inter na Dios ed sikato.