Saray Gawgawa 8:9 - Maung A Balita Biblia

⁹ Walay toon manngaray Simon, ya apakelaw to lan abayag iray Samaritano diad panagsalamangka to. Imbagbaga ton sikato et makapanyari,

Maung a Balita Biblia

⁹ Walay toon manngaray Simon, ya apakelaw to lan abayag iray Samaritano diad panagsalamangka to. Imbagbaga ton sikato et makapanyari,

Saray Gawgawa 8:9 Referans Kwoze

Saray Gawgawa 13:6

Niliber day intiron isla ya anggad Pafos. Nabet dad may sakey a Judion salamangkiro ya ipapasen toy laman ton dili a propita, tan Bar-Jesus so ngaran to.

Saray Gawgawa 5:36

Ag ni abayag so inletaw nen Teudas, ya angibagbagan sikato et sakey a matalonan too. Sinisia tan tinombuk na apat a lasus a lalaki. Balet nen apatey, abuybuyak ira may totoo to tan naandi met lay olupan da.

Juan 7:18

Say toon manlapud sikaton diliy bangat to, say kitanduro toy aanapen to. Say mananap balet na pakagalangay angibakid sikato, matwa tan matonung.

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Saray Gawgawa 8:11

Abayag lan panaon ya apakelaw to ra diad panagsalamangka to, kanyan agaylay panderengel dad sikato.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.

Exodo 7:11

Insan impaawit na ari iray makabat a totoo to tan saray managsalamangka to, tan diad dunong dan mansalamangka ginawa ra so singa agawad baston nen Aaron.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

2 Timoteo 3:2

Magmaliw a saray totoo maaro rad kuarta tan maaro rad sikaran dili, mapanta, mapaatagey, managpaoges, ag da onuren iray atateng da, ag da amtay mamirbir na maung a linawa, tan ibeneg day pananisiad Dios;

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Exodo 9:11

Ag ayarian na saramay managsalamangka so akiarapan ed kinen Moises, lapud napnoy laman da na pelsa a singa amin da ray arum ya Egipsio.

Saray Gawgawa 13:8

Balet sikaray sinumlang na sakey a salamangkiron Elimas so ngaran to (sikato yay ngaran tod salitay Grigo), ta labay ton iyarawid pananisia may gobirnador.