Saray Gawgawa 8:39 - Maung A Balita Biblia

³⁹ Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

Maung a Balita Biblia

³⁹ Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

Saray Gawgawa 8:39 Referans Kwoze

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

2 Saray Arari 2:16

tan kuanda, “Limamplo kami dian mabisbiskeg a lalaki. Abuloyan mo kamin onla, ta anapen miy amom. Angangko inyakar ed arawi na ispiritu na Katawan, insan to intilak ed sakey a toktok na palandey, odino diad sakey a patar a pasen.” “Andi, ag kayo oonla,” ebat nen Eliseo.

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Ezekiel 43:5

Inyatagey ak na ispiritu na Katawan, insan to ak inyakar ed samay patiod dalem, a diay akanengnengan kon napno na kagalangan na Katawan so Timplo.

Ezekiel 11:1

Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.

Marcos 1:10

Kasakbit nen Jesus, anengneng ton tampol ya alokasay tawen tan say Ispiritun singa malapati ya ondadapod sikato.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Santiago 4:16

Balet mapaatagey tan mapasirayew kayo. Maoges itan a kagagawa.

FILIPOS 4:4

Manliket kayo lawas ed Katawan. Oliten ko: manliket kayo!

Saray Taga Roma 5:2

Dia nid panamegley to, agamuran tid Dios so baleg a panangaro to, a diad silong toy pambibilayan tayo natan. Panliliketan ti siriy ilalo tayon makapibiang ed kagalangan na Dios!

Saray Gawgawa 13:52

Saramay mananisia balet ed Antiokia agaylay liket da tan napno ray Ispiritu Santo.

Saray Gawgawa 8:8

Kanyan awalaay baleg a liket iman a siudad.

Mateo 13:44

“Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.”

Mateo 3:16

Nen abinyagan lay Jesus, sinmakbit a nanlapud danum. Alokasan ed satay tawen, tan anengneng toy Ispiritu na Dios a singa malapati ya ondadapod sikato.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:14

Panliliketan ko niy mangonur ed saray ganggan mo, nen say pakagamur koy baleg a kayamanan.

Saray Gawgawa 16:34

Insan to ra intagar ed abung to tan pinakan to ra. Agaylay liket to tan say intiron pamilya to, ta manisia la ra natan ed Dios.

Ezekiel 37:1

Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.

Saray Gawgawa 8:29

“Laka, ta abet mo man a karwahi,” inkuan na Ispiritu Santo ed kinen Felipe.

Saray Gawgawa 8:38

Pinatonda to may yunuko so karwahi. Linma ran duad danum, tan bininyagan nen Felipe.