Saray Gawgawa 8:27 - Maung A Balita Biblia

²⁷ Linma sirin ed saman a dalan si Felipe. Wala met so sakey ya yunuko a taga Sudan ya ondaralan diman. Sikatoy opisyal a managasikasod amin a kayamanan na Riyna na Sudan. Linmad Jerusalem ya angigalang ed Dios,

Maung a Balita Biblia

²⁷ Linma sirin ed saman a dalan si Felipe. Wala met so sakey ya yunuko a taga Sudan ya ondaralan diman. Sikatoy opisyal a managasikasod amin a kayamanan na Riyna na Sudan. Linmad Jerusalem ya angigalang ed Dios,

Saray Gawgawa 8:27 Referans Kwoze

Sofonias 3:10

Anggan saray totook a nikaykayat ed arawin pasen na Sudan et mangyakar irad siak na saray bagat.

Saray Salmo 68:31

Onsabi ray imbahador a manlapud Egipto; itagey na saray taga Etiopia iray kalimaan da diad pampikasi rad Dios.

Jeremias 38:7

Balet si Ebed-melec a taga Sudan, sakey a yunoko tan walay kimey tod palasioy ari, nadngelan ton impelag da ak ed dalem na bobun. Diad sayan bekta walad Puirta nen Benjamin so ari.

Saray Salmo 87:4

“No ilistak iray bansan ontotoluk ed siak, ipilak so Egipto tan say Babilonia; ipibiang ko a kabyangan na saray totood Jerusalem iray taga Filistia, Tiro, tan Etiopia.”

Juan 12:20

Grigo ray arum ed saramay linmad Jerusalem ya angigalang ed Dios nen Pista.

Mateo 12:42

Diad Agew na Okum onalagey so Riyna Seba tan akusaen to kayo, ta nanlapud arawdawin pasen ya ondengel labat ed kakabatan nen Solomon. Balet kuankod sikayo a wadyay lalon makapanyari nen si Solomon!”

Jeremias 13:23

Nasalatan ta na toon andeket so kolor na baog to, odino naekal ta na liopardo so batek na bago to? No nayarian da, naaralan yo, sikayon totood Jerusalem, so manggaway kaptekan, sikayon pasal yoy manggaway kaogsan.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Isaias 60:3

Onsingger ed silew mo iray bansa, Tan onsingger ed ibutay na balon agew mo iray arari.

Isaias 45:14

Say Katawan kuantod Israel, “Kayaryanen mo ray kayamanan ed Egipto tan Sudan, tan magmaliw ya aripen mo iray atatagey a totood Seba; akagolunggolung iran ontombuk ed sika. Ondakmomo rad sika tan ibawag da, ‘Walad sika so Dios—sikato labat so Dios.

Isaias 43:6

Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Saray Salmo 68:29

manlapud Timplom ed Jerusalem, a pangyaakaran da ray arari na saray rigalo rad sika.

1 Saray Arari 10:1

Nadngelan na riyna na Seba so inkabantug nen Solomon, kanyan linmad Jerusalem ta suboken toy Solomon diad panamegley na saray mairap a tepet.

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

Jeremias 39:16

ya ibagak ed kinen Ebed-melec a taga Sudan a say Katawan a Makapanyarin-amin a Dios na Israel inkuanto, “Deral so iyakar kod sayan siudad, aliwan say aligwas, onung na nibagak lan gawaen ko. No nagaway onya, wadtan kan makaimatun.

Isaias 18:7

Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Saray Gawgawa 8:28

tan ompapawil lad sayan bekta. Manloglogan ed karwahi to, tan babasaen toy libro nen propita Isaias.

Deuteronomio 30:13

Aliwa met a walad basil na dayat. Ag yo la nepeg a tepeten, ‘Siopay ombaliw ed dayat ta iyakar tod sikatayo so ganggan, et pian nayarian tayon dengelen tan onuren?’