Saray Gawgawa 8:25 - Maung A Balita Biblia

²⁵ Kasumpal di Pedro tan Juan a nantatasi tan nampupulong na salitay Katawan ed siudad na Samaria, pinmawil irad Jerusalem. Diad dalan, intuloy dan impupulong ed amayamay a bario na Samaria so Maung a Balita.

Maung a Balita Biblia

²⁵ Kasumpal di Pedro tan Juan a nantatasi tan nampupulong na salitay Katawan ed siudad na Samaria, pinmawil irad Jerusalem. Diad dalan, intuloy dan impupulong ed amayamay a bario na Samaria so Maung a Balita.

Saray Gawgawa 8:25 Referans Kwoze

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

1 Pedro 5:12

Sinulat ta kayoy antikey diad tulong nen Silvano, ya ipapasen kon agi a matoor, ta labay kon pabiskegey linawa yo tan paneknekan a sikato yay tuan baleg a panangaroy Dios. Mansiansia kid sayan panangaro to.

Saray Gawgawa 28:31

Makmakpel so linawa to tan ag asebelsebelan ed impanpupulong toy nipaakar ed Panariay Dios tan diad impanbabangat toy nipaakar ed Katawan a Jesu-Cristo.

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

Saray Gawgawa 18:5

Nen sinmabi ra di Silas tan Timoteo a nanlapu rad Macedonia, anggapo lay ginawa nen Pablo no ag say mampulong tan mamaneknek ed saray Judio a si Jesus et Cristo.

Saray Gawgawa 8:40

Si Felipe, balet, naimano ton wala lad Azoto. Manlapud man impupulong toy Maung a Balita ed amin a baley a dinadalan to, anggad sinmabi ed Cesarea.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Juan 15:27

Tan mantasi kayo met na nipaakar ed siak, ta kaiba ta ki lan nanlapud gapo.

Mateo 10:5

Imbaki nen Jesus ira yan labindua tan onyay imbilin tod sikara: “Ag kayo oonla ed lugar da ray Hintil; ontan met ya ag kayo oonlad anggan anton baley da ray Samaritano.

Lucas 16:28

ta walad may limaran agagik a lalaki. Paonla yo pad man ta pasakbayan to ra, pian ag ira makakar ed sayan pasen na kairapan.’

Saray Gawgawa 13:12

Anisia may gobirnador nen naimatonan to yan agawa, tan mankelaw a maung ed bangat a nipaakar ed Katawan.