Saray Gawgawa 7:52 - Maung A Balita Biblia

⁵² Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Maung a Balita Biblia

⁵² Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Saray Gawgawa 7:52 Referans Kwoze

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 TESALONICA 2:15

Saray Judio so amatey ed Katawan a Jesus tan saray propita. Sikara met so amairap ed sikami. Makapaingungot irad Dios tan kalaban day amin a katoowan!

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

1 Juan 2:1

Anak ko, isulat ko ya pian ag kayo manggaway kasalanan. Balet no walay mankasalanan, walay matonung a Jesu-Cristo a mangipipikasid sikatayo ed Ama.

Saray Gawgawa 22:14

Inkuanto, ‘Pinili kay Dios da ray lalaki tayo a mangamtay linawa to, makanengneng na Masanton Aripen to, tan makadngel na bosis to.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

1 Pedro 1:11

Sinali ran inanap no kapigan tan no panoy isabi to yan panaon. Say Ispiritu nen Cristo a walad sikara intoro to yan panaon, nen impasakbay to ray kairapan a liknaen nen Cristo tan say kagalangan ya ontombuk.

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Gawgawa 3:24

Saray propita, manlapud si Samuel tan amin a tinmombuk ed sikato, impasakbay da met ira yan agew.

Saray Gawgawa 3:18

Balet diad sayan ginawa yo, sinumpal na Dios so abayag lan imbaga to, diad panamegley da ray propita, a manirap so Cristo to.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Jeremias 26:23

Manlapud Egipto inyakar dad kinen Ari Joakim si Urias; impapatey nen ari insan to impaibantak so bangkay to ed panangipomponan ed saray karaklan.)

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Jeremias 20:2

impapasiplatan to ak insan to ak impaigolunggulong ed abay na Puirta nen Benjamin diad Timplo.

1 Saray Arari 19:14

Inmebat, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

2 Saray Awaran 36:15

Intuloy na Katawan a Dios na saray lalaki ra so angibaki na saray totoon mamasakbay ed sikara, lapud labay ton niagel iray totoo to tan say Timplo to.

Lucas 6:23

Manggayaga kayo tan lukso kayod liket no nagawa ya, ta balbaleg so tumang yod tawen. Onya met so ginagawa na saray lalaki ra ed saray propita.

Juan 16:10

Paneknekan to met so inkalingo ran nipaakar ed kaptekan, ta onla ak ed Ama tan ag yo ak la nanengneng;

2 Timoteo 3:4

aliwan saratan labat, magmaliw met iran managtraidor, anggapoy adya, mapasirayew, tan aroen da niy minumundon liket nen say Dios.