Saray Gawgawa 7:51 - Maung A Balita Biblia

⁵¹ “Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Maung a Balita Biblia

⁵¹ Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Gawgawa 7:51 Referans Kwoze

Deuteronomio 10:16

Kanyan sirin, manlapud natan toluk kayod Katawan tan ekal yoy inkaawet na olo yo.

Levitico 26:41

tan anagyat ed siak ya onsumpad sikara tan mangibantak ed sikara diad dalin na saray kalaban da. Diad ontan, no saray kabyangay boleg yo et apaabeba la ra tan abayaran da la ray kasalanan da tan say insumlang da,

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Exodo 33:5

Say Katawan kuantod sikara diad panamegley nen Moises, “Anawet so olo yon totoo. No siak so milad sikayo anggan maganon bekta labat, deralen ta kayon sigput. Okpus yo natan iray alahas yo, insan ko nunoten no antoy gawaen kod sikayo.”

Exodo 32:9

Amtak so inkaawet na olo da ra yan totoo.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Exodo 33:3

Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.”

Saray Gawgawa 6:10

Balet ag da nadaeg so kakabatan ya inter na Ispiritu ed kinen Esteban.

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

COLOSAS 2:11

Lapud pikakasakey yod Cristo atandaan kayoy segat aliwan lapud impakagerger ed laman yo, no ag lapud nakal kayo lad maoges a pakayariy laman. Sayan segat nanlapud Cristo.

Saray Taga Roma 2:25

No onuren moy Ganggan, makanay inkatandaan moy segat. Balet no ag mo onurey Ganggan, singa ka met ni lamlamang ag atandaay segat.

Saray Gawgawa 7:39

“Balet ag inonur na saray lalaki tayo, impolisay da, tan labay da lay ompawil ed Egipto.

Saray Gawgawa 7:27

Balet intolak na mamapairap ed samay sakey tan inkuanto, ‘Siopay angipasen ed sikan manoley tan huis mi?

Saray Gawgawa 7:9

“Saray anak nen Jacob angimonan day Jose, kanyan inlako ra a paaripen ed Egipto. Balet walad sikatoy Dios,

Ezekiel 44:9

“Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.”

Ezekiel 44:7

Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.

Nehemias 9:30

Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Ezekiel 2:4

Anawet so olo ra tan ag da ak gagalangen, kanyan ibabaki ta kan mangibagad sikara na labay kon ibagad sikara, siak a Katawan a Dios.

Jeremias 17:23

Ag dinmengel odino angasikaso ed siak iray lalaki ra. Ingen nagmaliw iran anawet a puso; ag ira ononur ed siak odino manaral ed siak.

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Saray Salmo 75:5

ibabagak ed sikaran tondaan da lay mampasirayew.”

Nehemias 9:16

Balet nagmaliw a mapaatagey tan bangar iray lalaki mi tan ag da inonur iray ganggan mo.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

Deuteronomio 9:13

“Say Katawan kuanto nid siak, ‘Amtak so awet na olo da ra yan totoo.

Deuteronomio 9:6

Andi-duaruwa sirin a say Katawan et iter tod sikayo man a mataban dalin aliwan lapud kanepegan yo. Andi, ta totoo kayon mananumlang.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Saray Gawgawa 7:35

“Impolisay na saray Israelita si Moises nen inkuanda, ‘Siopay angipasen ed sikan manoley tan huis mi?’ Balet saya met lamlamang a Moises so imbaki na Dios a manoley tan manondon, diad tulong na anghil a pinmayawar ed sikato diad abeban kiew.

Saray Bilang 27:14

lapud sinumlang yon dua so ganggan ko diad kalawakan na Zin. Nen nanriklamon amin iray Israelita sumpad siak diad Meriba, ag yo binirbir so masanton pakayarik ed arap da.” (Say Meriba et sikatoy sobul dimad Cades diad kalawakan na Zin).

2 Saray Arari 17:14

Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.