Saray Gawgawa 7:44 - Maung A Balita Biblia

⁴⁴ “Walad saray lalaki tayo so Tulda na Sipanan diad kalawakan. Ginawa ra yan tulda, onung na imbagay Dios ed kinen Moises tan onung ed pangaligan a nipanengneng ed sikato.

Maung a Balita Biblia

⁴⁴ Walad saray lalaki tayo so Tulda na Sipanan diad kalawakan. Ginawa ra yan tulda, onung na imbagay Dios ed kinen Moises tan onung ed pangaligan a nipanengneng ed sikato.

Saray Gawgawa 7:44 Referans Kwoze

Exodo 25:40

Gawam ira onung ed samay planon impanengneng kod sika dimad tagey na palandey.

Exodo 38:21

Saya so listaan na belat na saray mital ya inkana ed Tuldan Ayamay Katawan, a kawalaan na duaran tapyak a bato ya akaitatakan na Samploran Ganggan. Si Moises so angiganggan a gawaen yan listaan tan ginawa na saray Levita a mankikimey diad panangiwanwan nen Itamar a lakin anak nen Aaron a pari.

Saray Hebreo 8:5

Say kimey da ra yan papari et sakey labat a kaparpara tan aninoy walad tawen. Ontan met ed kinen Moises; nen gapoan ton ipaalagey so Tuldan Sipanan, inkuay Dios ed sikato, “Apiapiger mon ipaalagey, pian nagawaan moy amin a bengatla onung ed samay planon nipanengneng ed sika diad tapew na palandey.”

Saray Hebreo 8:2

Manlilingkur a Pangulon Pari ed Sankasantosan a Pasen, a salanti diad tuan tulda ya impaalagey na Katawan, aliwan say too.

2 Saray Awaran 24:6

Impatawag to sirin si Joiada a pangulo ra, tan tinepet to, “Akin et ag mo ni impakolikta ed saray Levita so buis da ray taga Juda tan Jerusalem, a si Moises ya aripen na Katawan et ingganggan tod saray totoo a bayaran da para Tuldan Ayamay Katawan?” (

1 Saray Awaran 28:19

Inkuanen Ari David, “Amin da ra ya et wala rad plano a nisulat onung ed saray bilin na dilin Katawan a gawaen ko.”

1 Saray Awaran 28:11

Inter nen David ed kinen Solomon iray plano na amin a paalagey na Timplo, saray panagsinupan a kuarto tan amin nin arum a kuarto, tan say Sankasantosan a Pasen a diay pakapirdonaan na kasalanan.

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Saray Bilang 18:2

Alam a katulongan mo iray kakanayon mon kabyangay tribu nen Levi, no sika tan saray anak mo et manlingkur ed dalem na Tulda.

Saray Bilang 10:11

Diad kumaduamplon agew na kumadwan bulan na kumadwan taon kayari na insiput ed Egipto na saray Israelita, inmatagey imay lorem ya anakbung ed Tuldan Ayamay Katawan,

Saray Bilang 9:15

Diad agew na impangilira ed Tuldan Ayamay Katawan, sinmabi so lorem tan sinakbungan to. No labi singa apoy imay lorem.

Exodo 26:30

Ipaalagey moy Tulda onung na samay planon impanengneng kod sika ed tagey na palandey.

Exodo 27:8

Saray tabla so ikanam ed panggawam ed altar, tan gawam a longugan, onung na planon impanengneng kod sika diad tagey na palandey.

Josue 3:14

Panaon ed saman na panagani, tan onlilipua so ilog. Nen tinaynan na saray totoo imay kampo, ta ombaliw irad Ilog na Jordan, inmonad sikara iray may papari a sankasakbat day Kaban na Sipanan na Katawan. Kalasur da ra may papari ed danum,