Saray Gawgawa 7:39 - Maung A Balita Biblia

³⁹ “Balet ag inonur na saray lalaki tayo, impolisay da, tan labay da lay ompawil ed Egipto.

Maung a Balita Biblia

³⁹ Balet ag inonur na saray lalaki tayo, impolisay da, tan labay da lay ompawil ed Egipto.

Saray Gawgawa 7:39 Referans Kwoze

Saray Bilang 11:5

Nen saman dimad Egipto sawaan so impapangan tayon sira, tan ag tayon balut ira nanggasgastosan. Nanunotan yo ni ra may pipino, pakuan, kutsay, sibuyas, tan bawang a kinakakan tayo?

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

1 Saray Arari 2:27

Kanyan pinaekal nen Solomon si Abiatar ed kipapasen ton pari na Katawan; lapud saya apatwa so sinalita na Katawan diad Silo nipaakar ed kinen Eli a pari tan saray kabyangay boleg to.

Saray Huis 11:2

et wala ni ray arum a lalakin anak tod asawa to. Nen binmaleg ira pinasoot dan pinataynan si Jefte. Inkuandad sikato, “Anggapoy natawir mod kayaryan nen ami mi; anak ka na sananey a bii.”

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Saray Gawgawa 7:27

Balet intolak na mamapairap ed samay sakey tan inkuanto, ‘Siopay angipasen ed sikan manoley tan huis mi?

Saray Salmo 106:16

Diad kalawakan angimon irad kinen Moises tan diad kinen Aaron, say masanton aripen na Katawan.

1 CORINTO 14:32

Saray walay langkap a mampulong na salitay Dios nepeg a napatonda ray laman dan dili.