Saray Gawgawa 7:32 - Maung A Balita Biblia

³² ‘Siak so Dios na saray lalakim, Dios di Abraham, Isaac tan Jacob.’ Manggiwgiw ed takot si Moises, tan ag to natepelay onnengneng.

Maung a Balita Biblia

³² Siak so Dios na saray lalakim, Dios di Abraham, Isaac tan Jacob. Manggiwgiw ed takot si Moises, tan ag to natepelay onnengneng.

Saray Gawgawa 7:32 Referans Kwoze

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Mateo 22:32

‘Siak so Dios nen Abraham, Dios nen Isaac, tan Dios nen Jacob.’ Say labay to yan ibaga sikatoy Dios da ray mabilay, aliwan Dios na saray inaatey.”

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

Mateo 17:6

Diad ontan lan inkataktakot da ra may disipulo ed samay bosis, tinmakba rad dalin.

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

Say Libro nen Job 4:14

Ataktakot ak tan manggiwgiw ak; mampayegpeg so intiron laman ko.

1 Saray Arari 19:13

Nen nadngel nen Elias insakbung tod lupa toy kolibemben to, pinmaway tan nanalagey ed wangalay ongib. Inkuan ed sikato na samay bosis, “Elias, antoy gagawaen mo dia?”

Exodo 33:20

Ag ko ipanengneng ed sikay lupak, ta anggapoy toon mambilay a makanengneng na lupak,

Exodo 4:5

Imbilin na Katawan ed kinen Moises, “Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.”

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Mateo 22:46

Anggapoy anggan sakey ya akaebat ed kinen Jesus. Kanyan nanlapud saman ya agew, anggapo lay makakpel a mantepet ed sikato.

Saray Gawgawa 7:31

Mankelaw si Moises ed sayan anengneng to, et nen asinggeran ton nengnengen a maung, nadngel toy bosis na Katawan: