Saray Gawgawa 5:4 - Maung A Balita Biblia

⁴ Kasakbayan mon inlakoy dalin kayaryan mo, anto? Kapangilakom, kayaryan mo met imay kuartan nanlakoan mo, anto? Akin et anunotan mo ni yan ginawa? Aliwan say too so tinilaan mo, no ag say Dios!”

Maung a Balita Biblia

⁴ Kasakbayan mon inlakoy dalin kayaryan mo, anto? Kapangilakom, kayaryan mo met imay kuartan nanlakoan mo, anto? Akin et anunotan mo ni yan ginawa? Aliwan say too so tinilaan mo, no ag say Dios!

Saray Gawgawa 5:4 Referans Kwoze

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

1 Saray Awaran 29:3

Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

Saray Gawgawa 5:9

Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”

Lucas 10:16

Inkuantod saray disipulo to, “Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.”

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Saray Salmo 139:4

Angan kasakbayay pansalitak amtam la no antoy ibagak.

Saray Salmo 7:14

Imanom so pannununot na totoon maoges ed kaogsan; iplaplano ray panggawa ray golo tan say pamalikdo ra.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

1 Saray Awaran 29:5

tan para amin a bengatlan gawaen na saray platiro. Siopa natan ed sikayo so mabolus so linawa ton mangiter na panangaro tod Katawan?”

1 Samuel 8:7

et inkuan na Katawan, “Onur mon amin so ibagay totoo ed sika. Aliwan sikay impolisay da; siak so impolisay da ya ari ra.

Exodo 35:29

Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Exodo 16:8

Insan inkuanen Moises, “Diad labi say Katawan so mangiter ed sikayo na karnin kanen yo tan diad kabwasan, say tinapay ya anggan anto lay karakel na labay yo, lapud nadngel to no panoy impanriklamo yo sumpad sikato. Say katwaan to, no manriklamo kayo sumpad sikami manririklamo kayo sumpad Katawan.”

Santiago 1:15

No manlokun so maoges a pilalek na laman, mananak na kasalanan. Tan no ombaleg so kasalanan, mambungay patey.

Filemon 1:14

Balet ag ko labay a gawaen ya no anggapoy abuloy mo, pian aliwan pasootan, no ag ingen mabolbolus, so pananulong mo.

1 CORINTO 8:8

Say kakanen ag to paabigey pikakasakey tayod Dios. Anggapoy nabawas ed sikatayo no ag itayo mangan, tan anggapo met so kaabigan a naala tayo no mangan itayo.

Say Libro nen Job 15:35

Sikara yay totoon mamplaplanoy kaogsan tan manggagaway golo; napno lawas na panamalikdo so kapusoan da.”

Saray Bilang 16:11

No manriklamo kayo a sumpad kinen Aaron, say Katawan a talaga so susumlangen yo, sika tan saray kagampim.”

Ecclesiastes 5:5

Maung nin ag ka mansisipan nen say mansipan ka ya ag mo sumpalen.