Saray Gawgawa 5:17 - Maung A Balita Biblia

¹⁷ Say Pangulon Pari tan saray kakaiba to a kabyangan iray Saduseo agaylay pangimon dad saray apostol, kanyan nantotongtong ira no antoy gawaen da.

Maung a Balita Biblia

¹⁷ Say Pangulon Pari tan saray kakaiba to a kabyangan iray Saduseo agaylay pangimon dad saray apostol, kanyan nantotongtong ira no antoy gawaen da.

Saray Gawgawa 5:17 Referans Kwoze

Saray Gawgawa 13:45

Balet ontan lay pangimon da ray Judio nen anengneng dan amayamay so totoo, kanyan sinasangsang day ibabaga nen Pablo tan pinapaoges da ni.

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Saray Gawgawa 7:9

“Saray anak nen Jacob angimonan day Jose, kanyan inlako ra a paaripen ed Egipto. Balet walad sikatoy Dios,

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.

Juan 12:10

Implano na saray manonan papari a papatey da met si Lazaro,

Mateo 27:18

Ta kabkabat nen Pilato ya inyawat day Jesus ed sikato lapud pakakaibeg da.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Probirbio 27:4

Maruksa tan makaderal so pasnuk, balet ag nayarin ipara ed imon.

Probirbio 14:30

Say mareen a kanunotan pagmamaliwen ton mabiskeg so laman, balet singa kanser so imon.

Say Libro nen Job 5:2

Inaambagel tan andi-kakanaan so alablabas a panggunigon tan pansakit na linawa.

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

TAGA GALACIA 5:21

panagibeg, panagbuanges, alablabas a panagliket, tan arum ni ran singa saraya. Papasakbayan ta ki lamet a singa samay inmona: saray manggawad saraya, ag da natawir so Panariay Dios.

Saray Gawgawa 15:5

Balet wala ray pigaran mananisia a kabyangan na saray Pariseo ya inmalagey tan inkuanda, “Nakaukolan a tandaay segat iray Hintil a mananisia, tan bilinen ira ya onuren day Ganggan nen Moises.”

Saray Gawgawa 4:26

Saray ararid dalin et imparaan day sikaran dili, tan nantitipon iray manoley a milaban ed Katawan tan say Misias to!’

Saray Gawgawa 4:6

Kaiba ray Anas a Pangulon Pari, si Caifas, si Juan, si Alejandro, tan amin a kabyangay pamilya to may Pangulon Pari.

Juan 12:19

Inkuan sirin na saray Pariseo ed sakey tan sakey, “Anggapo lay nagawaan tayo! Nengneng yo, ontotombuk la ray amin a totood sikato!”

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Saray Gawgawa 5:16

Sinmabiy dakerakel a totoon nanlalapud kaliber-liber iran baley na Jerusalem a sankaawit da ray mansasakit tan saray inaaponay dimonyo; tan inmaabig iran amin.