Saray Gawgawa 4:28 - Maung A Balita Biblia

²⁸ Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Maung a Balita Biblia

²⁸ Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Saray Gawgawa 4:28 Referans Kwoze

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Mateo 26:24

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”

Saray Gawgawa 3:18

Balet diad sayan ginawa yo, sinumpal na Dios so abayag lan imbaga to, diad panamegley da ray propita, a manirap so Cristo to.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Saray Hebreo 6:17

Ontan met, pinaletay Dios so sipan to diad impansamba to, pian nipanengneng tod saray angisipanan to ya ag mansalat so getma to.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

Lucas 22:22

Ompatey so Anak na Too, onung ed linaway Dios. Balet makapataktakot so nasagmak na toon mantraidor ed sikato!”

Mateo 26:54

Balet no ontan, panon a nasumpal so ibabagay Masanton Sulat ya onyay nagawa?”

Isaias 40:13

Walay makapangibaga ed Katawan no antoy gawaen to? Siopay makapangibangat odino makasimbawad sikato?

Isaias 28:29

Amin ira yan kakabatan et nanlapud Katawan a Makapanyarin-amin. Saray plano na Dios et napno ra na kakabatan, tan aligwas lawas so pansumpalan da.

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Isaias 14:24

Say Katawan a Makapanyarin-amin sinambaan to: “Nasumpal so antokaman ya implanok. Nagawa so antokaman a ginetmak a gawaen.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.