Saray Gawgawa 4:21 - Maung A Balita Biblia

²¹ Lalon sinebelan iray kabyangay Sanidrin, insan da ra imbolus. Anggapoy naalmo ran makasengeg na panusa rad sikara, ta idadayew na amin a totoo so Dios, lapud sayan agawa.

Maung a Balita Biblia

²¹ Lalon sinebelan iray kabyangay Sanidrin, insan da ra imbolus. Anggapoy naalmo ran makasengeg na panusa rad sikara, ta idadayew na amin a totoo so Dios, lapud sayan agawa.

Saray Gawgawa 4:21 Referans Kwoze

Saray Gawgawa 5:26

Linmad Timplo may kapitan a kaiba to ray sondalo to, tan inawit da ra may apostol. Balet andi-pasootan so impangawit da, ta antakot ira ompan tupaken iray totoo.

Lucas 22:2

Saray manonan papari tan saray iskriba et manaanap iray pankanawnawa ran mamatey ed kinen Jesus, ta antakot irad saray totoo.

Lucas 20:19

Saray iskriba tan saray manonan papari ginetma ran erelen si Jesus ed saman a bekta, lapud amta ran sikaray papasikian tod sayan alimbawa. Balet ag da ya nagawaan, ta antakot da ray totoo.

Lucas 20:6

Balet no ibaga tayon nanlapud too, saray amin a totoo tupaken da tayoy bato, ta manisia ran propita si Juan.”

Mateo 21:46

Kanyan erelen da lawari, balet antakot irad saray totoo lapud ipapasen dan sakey a propita si Jesus.

Mateo 9:8

Nen anengneng na saray totoo so agawa ontan lay takot da, tan indayew day Dios lapud impangiter toy onya lan pakayari ed saray totoo.

Saray Gawgawa 5:40

Pinaloob da ra may apostol, impapasiplatan da ra, ingganggan dad sikaran ag la ra mampulong ed ngaran nen Jesus, insan da la ra imbolus.

Saray Gawgawa 4:17

Balet pian ag la ombuyak yan balita, sebelan ti ran mansalitad anggan siopa na nipaakar ed ngaran nen Jesus.”

Lucas 13:17

Abaingan ya amin iray kalaban to ed sayan ebat to, balet makaliliket ya amin iray totoo lapud sarayan makapakelkelaw a ginagawa to.

Lucas 5:26

Agaylay pankelaw na amin a totood man, tan natatakot met ira. Indayew day Dios tan inkuanda, “Makapakelaw iray naimatonan mid sayan agew!”

Mateo 26:5

“Balet ag tayo pateyen legan na pista, ta ag la pigan manggolo ray totoo,” inkuanda.

Mateo 15:31

Mankelaw iray totoo nen naimatunan dan mansasalita la ra may emel, inmaabig la ra may lopuy, manaakar la ra may piley, tan makakanengneng la ra may bulag. Inggalang da so Dios na Israel.

Mateo 9:33

Kapangekal nen Jesus ed dimonyo, ginapoan to may laki so nansalita. Mankelaw iran amin. Inkuanda, “Ag kami ni akanengneng na onya lan pakayari ed Israel!”

Saray Gawgawa 4:22

Masoluk lan apataploy taon to may lakin akagawaay milagro.

Saray Gawgawa 5:13

Anggapo ed saray aliwan mananisia so makakpel a miolup ed sikara, anggaman ya agaylay panangidayew na totoo ed saray mananisia.