Saray Gawgawa 28:28 - Maung A Balita Biblia

²⁸ Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Maung a Balita Biblia

²⁸ Inkuanen Pablo ed kaonuran, Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!

Saray Gawgawa 28:28 Referans Kwoze

Saray Gawgawa 22:21

Balet inkuan na Katawan, ‘Laka la, ta ibaki ta kad arawidiad kawalaan da ray Hintil.’”

Lucas 3:6

Tan nanengneng na amin a katoowan so panangilaban na Dios!’”

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Saray Gawgawa 15:17

Et diad onya ondagod siak ya amin iray katoowan, amin da ray Hintil a tinawag kon kayaryanen.

Saray Gawgawa 15:14

Kayadyari ton insalaysay nen Simon so inmonan impanawag na Dios ed saray pigaran Hintil, pian magmaliw met iran totoo to.

Saray Gawgawa 14:27

Kasabi rad man, tinipon da ray kabyangay iglisia, tan tinongtong dad sikaray amin a ginagaway Dios diad panamegley da, tan no panoy impangilokas toy dalan pian makapanisia ray Hintil.

Saray Gawgawa 11:18

Nen nadngel da ya, intonda ray pantetetel da tan indayew day Dios. “No ontan sirin,” inkuanda, “initday Dios met iray Hintil na pankanawnawan magbabawi ed saray kasalanan da, pian nagamuran day bilay!”

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Isaias 52:10

Ikana na Katawan so masanton pakayari to; ilaban to ray totoo to, tan nanengneng ya na sankamundoan.

Saray Taga Roma 11:11

Tepeten ko pa sirin: Atumba ra kasiy Israelita, pian ag la ra makabangon? Andi! No ag ta diad impankasalanan da, sinmabiy kilalaban ed saray Hintil, pian pangimonan iray Israelita.

Saray Gawgawa 13:38

Nepeg yon kabaten, agagik ira, a nipupulong ed sikayoy pakapirdonay kasalanan, diad panamegley nen Jesus.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

Saray Gawgawa 2:14

Inmalagey si Pedro a kaiba to ray labinsakey ya apostol, tan nansalitay maksil, “Kaparak iran Judio tan amin yon manaayam ed Jerusalem, dengel kayon maung ed ibagak, ta ipatalus ko yay nagagawa.

Ezekiel 36:32

Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.”

Saray Tagleey 3:26

Maung so mananos a manalagar ed panangilaban na Katawan.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.