Saray Gawgawa 28:27 - Maung A Balita Biblia

²⁷ Ta inmawet iray olo da ra yan totoo, saray layag da nakar dan pinepetan, tan inkopit da ray mata ra. Lapud ag da labay a makanengneng, o makadngel o makatalus ira. Ta ompan lagi ompawil irad siak a mabolbolus, et paabigen ko ra—kuay Dios.’”

Maung a Balita Biblia

²⁷ Ta inmawet iray olo da ra yan totoo, saray layag da nakar dan pinepetan, tan inkopit da ray mata ra. Lapud ag da labay a makanengneng, o makadngel o makatalus ira. Ta ompan lagi ompawil irad siak a mabolbolus, et paabigen ko rakuay Dios.

Saray Gawgawa 28:27 Referans Kwoze

Isaias 6:10

Insan inkuantod siak, “Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.”

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

Saray Salmo 119:70

Ag makatalus ira yan totoo, balet panliliketan koy ganggan mo.

Mateo 13:14

Kanyan ontutway propisiya nen Isaias nen inkuanto: ‘Ondengel lan ondengel ira yan totoo, balet ag da natalusan; onnengneng la ran onnengneng balet ag da nanengneng,

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’