Saray Gawgawa 27:20 - Maung A Balita Biblia

²⁰ Abayag ya ag mi anengneng so agew tan saray bitewen, tan ag onkalnay mabiskeg a bagyo, kanyan nakalan kamiy ilalo a nilaban kami ni.

Maung a Balita Biblia

²⁰ Abayag ya ag mi anengneng so agew tan saray bitewen, tan ag onkalnay mabiskeg a bagyo, kanyan nakalan kamiy ilalo a nilaban kami ni.

Saray Gawgawa 27:20 Referans Kwoze

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

1 TESALONICA 4:13

Agagi, labay min naamtaan yoy katwaan nipaakar ed saray inaatey la, pian ag kayo manermen a singa saray anggapoy ilalo.

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Isaias 57:10

Pakekesawen yoy sikayon dili diad panaanap yo na arum a diriyos, balet ag yo totondaan so mananap. Nununoten yo a pabibiskegen kayo na saray mabambanday a talintao yo, kanyan ag kayon balut nakekesawan.

2 CORINTO 11:25

Amitlon nilelewet ak na saray taga Roma, tan aminsan a tinutupak da ak; asalik ya amitlon nakneb so niloganan kon bapor, tan asalik ya aminsan so nampataw-pataw a sanagew tan sanlabi ed pegley na dayat.

Jonas 1:4

Balet say Katawan angibakid dayat na mabiskeg a dagem, tan diad gaway peles na bagyo ngalngali la nabuyak imay bapor a niloganan da.

Saray Salmo 105:28

Pinabilonget na Dios so bansa, balet ag inonur na saray Egipsio so ganggan to.

Saray Gawgawa 27:19

Kaimbuas, imbantak na dilin lima ra iray kagawaay barko.

Saray Gawgawa 27:21

Lapud abayag lan ag ira angan, inmalagey si Pablo ed pegley da tan nansalita, “Kakaaro, no dinengel yo ak komun tan ag ti la inmalis ed Creta, ag la agawad sikatayo yan darak tan deral.