Saray Gawgawa 26:31 - Maung A Balita Biblia

³¹ Kapaway da inkuandad sakey tan sakey, “Sayan too anggapoy ginawa ton manepeg a panintinsiaan ed sikato a pateyen o ipriso.”

Maung a Balita Biblia

³¹ Kapaway da inkuandad sakey tan sakey, Sayan too anggapoy ginawa ton manepeg a panintinsiaan ed sikato a pateyen o ipriso.

Saray Gawgawa 26:31 Referans Kwoze

Saray Gawgawa 23:29

Nalmoan kon nipaakar ed ganggan day ipapakasalanan dad sikato, balet ag to nepeg so pateyen o ipriso lapud saya.

Saray Gawgawa 23:9

Kinmasil so ingalan da. Inmalagey iray pigaran iskriba a kakaiba ray Pariseo tan inkuandan sinmumlang, “Anggapoy naalmo min kasalanan to yan too! Ompan walan tuay sakey ya ispiritu o anghil ya akitongtong ed sikato!”

Saray Gawgawa 28:18

Kasumpal na impangimbistiga rad siak, ibolus da ak la komun, ta nalmoan dan anggapoy ginawak a pamateyan dad siak.

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

Saray Gawgawa 25:25

Balet anggapoy arumog kon makasengeg no akin et patey so dusa to. Kinerew ton say Impirador so manintinsiad sikato, kanyan ginetmak ibakik.

Lucas 23:4

Inkuanen Pilatod satan ed saray manonan papari tan saray totoo, “Anggapoy naalmok a kasalanan to yan too.”

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

Jeremias 26:16

Insan saramay pangulo tan saramay totoo kuandad saray papari tan saray propita, “Ag nepeg a pateyen yan too, lapud nansalita ed sikatayo diad ngaran na Katawan tayon Dios.”