Saray Gawgawa 26:11 - Maung A Balita Biblia

¹¹ Amimpiga-pigan pinapairap ko ra ed amin a sinagoga, tan pinapasoot ko ran mansalitay pangibeneg dad pananisia ra. Diad ontan lan petang na olok ed sikara, lilinma ak ya anggad saray siudad ed arum a bansa a mamairap ed sikara.”

Maung a Balita Biblia

¹¹ Amimpiga-pigan pinapairap ko ra ed amin a sinagoga, tan pinapasoot ko ran mansalitay pangibeneg dad pananisia ra. Diad ontan lan petang na olok ed sikara, lilinma ak ya anggad saray siudad ed arum a bansa a mamairap ed sikara.

Saray Gawgawa 26:11 Referans Kwoze

Saray Gawgawa 22:19

‘Katawan,’ ebat ko, ‘amta ran linma ak ed saray sinagoga, impriprisok tan kinakabil ko ray mananisiad sika.

Saray Gawgawa 13:45

Balet ontan lay pangimon da ray Judio nen anengneng dan amayamay so totoo, kanyan sinasangsang day ibabaga nen Pablo tan pinapaoges da ni.

Mateo 10:17

Manalwar kayo, ta wala ray totoon mangerel tan mangidalem ed sikayod korti. Siplatan da kayod saray sinagoga ra.

Saray Gawgawa 22:5

Say Pangulon Pari tan saray kabyangay Sanidrin so makapantasin tua yay ibabagak. Initdan da ak na sulat a para saray Judio ed Damasco. Linma ak met nid man a mangerel, mamalur tan mangyakar ed sikara diad Jerusalem a pairapen ira.”

Saray Gawgawa 9:1

Si Saulo, balet, itutuloy toy getma ton manaktakot tan mamatey ed saray disipulo na Katawan. Linmad Pangulon Pari,

2 Pedro 2:16

Balet apampasnukan lapud kasalanan to, ta say asno to nansalitan singa too tan pinatonda to yan propitan Balaam ed inaambagel a gagawaen to.

Santiago 2:7

Aliwa kasin sikaray mansasalitay maoges a sumpad gagalangen a ngaran a niiter ed sikayo?

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Lucas 21:12

Balet kasakbayan a nagawa ra yan amin, erelen da kayo, insan da kayo pairapen. Iyakar da kayod saray sinagoga tan saray prisowan. Iyarap da ki met ed saray arari tan saray gobirnador, lapud siak.

Lucas 15:17

Nen anunotan toy maung inkuantod sikaton dili, ‘Amin da ray katulong na amak dugay kakanen da. Masoluk ni ingen! Siak, balet, wadyan ompapatey lad eras.

Lucas 6:11

Mapalaloy pasnuk da ra may iskriba tan Pariseo. Nantotongtongan da no antoy gawaen dad kinen Jesus.

Marcos 13:9

“Manalwar kayo! Ta erelen da kayo tan akusaen da kayo ed korti. Leweten da kayo ed saray sinagoga; iyarap da kayo ed saray manoley tan arari nisesengeg ed siak, pian napaneknekan yod sikara so Maung a Balita.

Marcos 3:28

“Tandaan yo ya! Napirdonay amin a kasalanan na too tan amin a maoges a lalabiren to.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Saray Salmo 102:8

Papabaingan da ak lawas na saray kalaban ko; saray manluludlurey ed siak ikakana ray ngaran ko ed panagayew.