Saray Gawgawa 26:1 - Maung A Balita Biblia

¹ Inkuanen Agripa ed kinen Pablo, “Naabuloyan kan mansalita, pian niagel moy laman mon dili.” Inyonat nen Pablo ray lima to a pangiter toy galang, insan inyagel toy laman ton dili diad panamegley na sarayan balikas:

Maung a Balita Biblia

¹ Inkuanen Agripa ed kinen Pablo, Naabuloyan kan mansalita, pian niagel moy laman mon dili. Inyonat nen Pablo ray lima to a pangiter toy galang, insan inyagel toy laman ton dili diad panamegley na sarayan balikas:

Saray Gawgawa 26:1 Referans Kwoze

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Saray Gawgawa 26:2

“Arin Agripa, ipapasen ko a diad sayan agew balbaleg so kapalaran kon mangyagel ed laman kon dili lapud amin a pangaakusaan ed siak na saray Judio.

Juan 7:51

“Ag ta isesebel na Ganggan so panintinsiad sakey a toon ag ni atepetan tan ag ni amtay gagawaen to?”

Probirbio 1:24

Tinatawag ta kayo, balet ag kayo ondengel; iniimbitaan ta kayon ondago balet ag kayo mangasasikaso.

Saray Taga Roma 10:21

Balet nipaakar ed Israel, inkuanto, “Sanagew ya inyonat ko ray limak diad pantawag kod saray totoon ag mangoonur tan onsusumlang ed siak.”

Saray Gawgawa 25:16

Inkuankod sikara ya aliwan ogali na saray mibabaley na Roma so mandusay siopaman a naakusa no ag ni akiarapan ed saray mangaakusad sikato, tan ag ni naitday pankanawnawan mangyagel ed laman ton dili.

Saray Gawgawa 22:1

“Atateng tan agagi, dengel yo pay ibagak a pangyagel koy laman kon dili!”

Probirbio 18:17

Say ononan mansalita ed korti et singa sikatoy walad katwaan anggad gapwan na kalaban to a tepetan.

Probirbio 18:13

Dengel ka ni kasakbayan kan onebat. No andi, makulang-kulang tan managpabaing ka.

Ezekiel 16:27

“Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.

Saray Salmo 119:46

Ibawag kod saray arari iray ganggan mo, et ag ak ombaing.

Saray Gawgawa 25:27

Ta para siak ag nepeg ya ibakid Impirador so sakey a prison ag nipalinew iray ipapakasalanan dad sikato.”