Saray Gawgawa 25:7 - Maung A Balita Biblia

⁷ Kasabi nen Pablo, niliber na saray Judion nanlapud Jerusalem tan amayamay iray ambebelat ya ipapakasalanan dad sikato, balet ag da ra met lamlamang napaneknekan.

Maung a Balita Biblia

⁷ Kasabi nen Pablo, niliber na saray Judion nanlapud Jerusalem tan amayamay iray ambebelat ya ipapakasalanan dad sikato, balet ag da ra met lamlamang napaneknekan.

Saray Gawgawa 25:7 Referans Kwoze

Saray Gawgawa 24:13

Ag da met napaneknekan iray ipapakasalanan dad siak.

Saray Gawgawa 25:24

Inkuanen Festo, “Ari Agripa, tan amin yo ran wadya natan: Niay toon inakusad siak na amin a Judio, dia tan dimad Jerusalem. Iyeeyag dan ag to nepeg so mambilay yan too.

Lucas 23:10

Inmasingger iray manonan papari tan saray iskriba tan ontan lay impangakusa rad kinen Jesus.

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Saray Salmo 27:12

Ag mo pa iyaabuloy a napelag ak ed lima da ray kalaban ko, a manusumlang ed siak diad panamegley na panagtila tan panagtaktakot.

Saray Gawgawa 21:28

“Kabaleyan,” ineyag da, “tulongan yo kami! Sikato ya may toon nambabangat ed inerman a laen to na sumpad bansay Israel, sumpad Ganggan nen Moises tan sayan Timplo. Angitagar ni na saray Grigo diad dalem na Timplo, kanyan minurmura to yan masanton pasen!”

Saray Salmo 35:11

Saray totoon maoges mantatasi ra sumpad siak, tan iyaakusa rad siak iray kasalanan ya ag kon balut ginawa.

Ester 3:8

Kanyan inkuanen Haman ed ari, “Walay sakey a poli na totoon nitaytayak irad intiron impiriom. Narumog ira ed balang luyag. Nidomad arum a totoo iray totombuken dan kaogaliyan. Sakey ni, ag da oonuren iray ganggan na impirio, kanyan ag mo pankaabigan so pamaolyan mod sikara.

Esdras 4:15

a pasokayan mo ray awaran na saray lalakim. No gawaen mo ya, naamtaan mo a sayan siudad et mananumlang tan nanlapu la nen saman naniiter na gunigon ed saray arari tan saray manoley ed saray luyag. Gendat a mairap ya oleyan iray totoo to. Sikato yay makasengeg no akin et aderal iman a siudad.

Mateo 15:1

Aminsan ya agew, wala ray pigaran Pariseo tan iskriba a nanlapud Jerusalem a sinmingger ed kinen Jesus. Tinepet dad sikato,

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!