Saray Gawgawa 23:12 - Maung A Balita Biblia

¹² Nen ontombuk a kabwasan, nantitipon iray pigaran Judio tan sinambaan day ag mangan o oninom, anggad ag da napatey si Pablo.

Maung a Balita Biblia

¹² Nen ontombuk a kabwasan, nantitipon iray pigaran Judio tan sinambaan day ag mangan o oninom, anggad ag da napatey si Pablo.

Saray Gawgawa 23:12 Referans Kwoze

Saray Gawgawa 23:30

Nen nadngelan kon implano na saray Judio a pateyen da, impaiyakar kon tampol ed sika. Imbagak ed saray mangaakusad sikato a diad sika lay pangisegepan day kaso.”

Saray Gawgawa 23:21

Balet ag mo ra panisisiaan, ta masoluk ya apataplon lalakiy kaiba ran manaalagar a manabat ed sikato. Sinambaan da ya ag ira mangan o oninom ya anggad ag da napatey. Akaparaan la ra natan. Aalagaren da labat so iyesel mo.”

Saray Gawgawa 23:14

Linma rad manonan papari tan saray mamatakken na baley tan inkuanda, “Masimsimoon min sinambaan ya ag kami ontimtin na anggan anton kakanen, anggad ag mi napatey si Pablo.

Saray Salmo 31:13

Narerengel koy esaesan da ray amayamay a kalaban ko; makapataktakot so walad kaliber-liber ko. Iplaplano ray ilaban dad siak, mankokomplut iran mamatey ed siak.

Saray Gawgawa 25:3

paiyakar toy Pablo ed Jerusalem, ta walay plano ra a sabaten tan pateyen ed dalan.

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, “Ibatang tayoy kiew legan a mabona-bona ni; pateyen tayo pian anggapo lay makanunot ed sikato.”

Mateo 26:4

Implano ran erelen a maamut si Jesus, insan da pateyen.

2 Saray Arari 6:31

Inkuanto, “Pateyen ak komun na Dios no diad sayan agew et ag napotutay olo si Eliseo!”

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

1 Samuel 14:24

Diad saman ya agew makapkapoy ed eras iray Israelita, ta walay ganggan nen Saul ed sikara. Sinambaan tod sikara, “Nisamba so toon mangan ed sayan agew, kasakbayan a makabawi ak ed saray kalaban ko.” Kanyan anggapoy angan ya anggan sakey ed sanagew.

Mateo 27:25

Inmebat iray totoo, “Sikami tan saray anak mi so onebat ed ipatey to!”

Mateo 26:74

Balet nansamba lamet si Pedro a kuanto, “Nitay Dios, anggan dusaen to ak no mantitila ak. Talagan ag ko kabat itan a too!” Diad saman a bekta, kinmukaok so sakey a lalung.

Nehemias 10:29

et mikakasakey kamid saray pangulo mi diad pansamba mi a mambilay kami onung ed Ganggan na Dios, ya inter to ed panamegley na aripen ton si Moises tan nadusa kami no ag mi sumpalen; ya onuren min amin so ingganggan ed sikami na Katawan, say Katawan mi; a toluken mi ray amin a bilin tan totontonen to.

Josue 7:15

Say toon narumog a kawalaan na saray bengatlan nepeg a deralen, poolan a pati saray kabyangay pamilya to tan amin a kayaryan to, ta makapasinagem so inter ton kababaingan ed Israel tan dineral to so impisipanan ko.”

Josue 6:26

Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

Levitico 27:29

Anggan say toon nisaklang a sigput ed Katawan et ag la nayarin dondonen; nakaukolan a pateyen.

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Genesis 37:18

Anengneng da nen arawi ni tan kasakbayan to ran naasinggeran, nantotongtongan dan pateyen.

Saray Gawgawa 9:23

Kalabas na amayamay ya agew, nampapaknaan na saray Judio a pateyen day Saulo,

Saray Gawgawa 9:24

balet akabatan to man a getma ra. Labi-agew dan binantayan so puirtay siudad, pian napatey da.

Saray Gawgawa 23:13

Masoluk iran apataplo a namplano yan kaogsan.

2 CORINTO 11:26

Diad mabetbet kon pambiabiahi, dinmadalan ak ed kaatapan diad saray delap, diad saray matatakew, diad saray kaparan Judio, tan diad saray Hintil; dinmadalan ak met diad saray kaatapan ed saray siudad, kalawakan, dayat, tan diad saray tila-tilan kakaaro.

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

Ester 2:22

Naamtaan nen Mardokeo yan plano ra, kanyan imbaga tod kinen Riyna Ester et imbaga ya nen Ester ed ari.