Saray Gawgawa 22:30 - Maung A Balita Biblia

³⁰ Labay to may kapitan a naamtaan no anton talagay angakusaan da ray Judio ed kinen Pablo. Kanyan kaimbuas, impaokbaran to tan ingganggan to a mantitipon iray manonan papari tan amin da ray arum a kabyangay Sanidrin. Insan to inyakar si Pablo tan pinaalagey tod arap da.

Maung a Balita Biblia

³⁰ Labay to may kapitan a naamtaan no anton talagay angakusaan da ray Judio ed kinen Pablo. Kanyan kaimbuas, impaokbaran to tan ingganggan to a mantitipon iray manonan papari tan amin da ray arum a kabyangay Sanidrin. Insan to inyakar si Pablo tan pinaalagey tod arap da.

Saray Gawgawa 22:30 Referans Kwoze

Saray Gawgawa 23:28

Labay kon naamtaan no antoy ipapakasalanan dad sikato, kanyan imparontal kod saray kabyangay Sanidrin.

Saray Gawgawa 21:33

Dinago na samay kapitan si Pablo, inerel to tan impabalur to na duaran golunggolung. Insan tinepet to, “Siopa yan too, tan antoy ginawa to?”

Saray Gawgawa 26:29

Inmebat si Pablo, “Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siak—likud labat ed sayan inkabalur koy golung-golung!”

Saray Gawgawa 23:15

Kanyan sikayo tan say Sanidrin, kerew yod kapitan ya ibaki tod sikayo si Pablo. Ibaraan yo a labay yo nin tepetan a maung na nipaakar ed sikaton dili. Balet sipaparaan kamin mamatey ed sikato, kasakbayan a makasabi dia.”

Saray Gawgawa 22:5

Say Pangulon Pari tan saray kabyangay Sanidrin so makapantasin tua yay ibabagak. Initdan da ak na sulat a para saray Judio ed Damasco. Linma ak met nid man a mangerel, mamalur tan mangyakar ed sikara diad Jerusalem a pairapen ira.”

Saray Gawgawa 21:11

Linmad sikami, inala toy balkes nen Pablo, tan binalur to ray dilin sali tan lima to, insan inkuanto, “Niay ibabaga na Ispiritu Santo: Say makanbalkes ed saya baluren a singa onya na saray Judio ed Jerusalem, tan ipalima rad saray Hintil.”

Saray Gawgawa 5:21

Tinmoluk ira may apostol kanyan diad kabkabwasan, linmoob irad Timplo tan ginapoan day nambangat. Samay Pangulon Pari tan saramay kakaiba to tinawag da ray mamatakken a Judio, ta manmiting so intiron Sanidrin. Insan da impatawag ya onarap ed sikara ira may apostol.

Mateo 27:2

Binalur day Jesus, insan da inyakar ed kinen Pilato a gobirnador.

Mateo 10:17

Manalwar kayo, ta wala ray totoon mangerel tan mangidalem ed sikayod korti. Siplatan da kayod saray sinagoga ra.

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Saray Gawgawa 23:1

Ninengneng a maung nen Pablo ra, insan inkuanto, “Agagi! Malinis so konsinsiak a mambibilay ed arap na Dios, anggad sayan agew.”

Saray Gawgawa 23:6

Nen anengneng nen Pablo a wadman iray pigaran Saduseo tan saray arum a Pariseo, inkuantod maksil a bosis, “Agagi, sakey ak a Pariseo tan anak na saray Pariseo. Iimbistigaen da ak natan, lapud ilalok ya onolid bilay iray inaatey.”

Saray Gawgawa 23:20

Inmebat, “Nampapaknaan na saray Judio a kerewen dad sikan paleksaben moy Pablo nabwas, tan iyarap mod Sanidrin. Konwarin labay da nin tepetan a maung na nipaakar ed sikaton dili.