Saray Gawgawa 22:25 - Maung A Balita Biblia

²⁵ Balet nen asumpal da lan binalur a siplatan inkuanen Pablo ed samay opisyal a manalalagey diman, “Akin iyabuloy tay ganggan a nayarian yon siplatan so sakey a mibabaley na Roma ya ag ni asintinsiaan?”

Maung a Balita Biblia

²⁵ Balet nen asumpal da lan binalur a siplatan inkuanen Pablo ed samay opisyal a manalalagey diman, Akin iyabuloy tay ganggan a nayarian yon siplatan so sakey a mibabaley na Roma ya ag ni asintinsiaan?

Saray Gawgawa 22:25 Referans Kwoze

Saray Gawgawa 16:37

Balet inkuanen Pablo ed saramay sondalo, “Anggapoy nibaga ran kasalanan mi, balet impapalewet da kamid arap na karaklan, anggaman a mibabaley kami na Roma. Kasumpal to, impaipriso da kami. Insan natan, labay dan ibaki kamin anggapoy makaamta. Ag nayari! Sikaran dili so onla dian mangibolus ed sikami.”

Saray Gawgawa 25:16

Inkuankod sikara ya aliwan ogali na saray mibabaley na Roma so mandusay siopaman a naakusa no ag ni akiarapan ed saray mangaakusad sikato, tan ag ni naitday pankanawnawan mangyagel ed laman ton dili.

Saray Gawgawa 27:43

Balet labay to may opisyal ya ilaban si Pablo, kanyan sinebelan to ra. Ingganggan tod saray marunong ya onlangoy ya onona ran ontabuy ed danum tan onla rad samay isla,

Saray Gawgawa 23:17

Tinawag nen Pablo so sakey ya opisyal tan inkuanto, “Ibaan mo pa yan tobun-balo ya onlad kapitan, ta walay ibaga to.”

Saray Gawgawa 27:3

Kaimbuas, sinmabi kamid Sidon. Maumaung si Julio ed kinen Pablo, et inabuloyan toy Pablo ya ombisitad saray kakaaro to, pian naitdan day antokaman a nakaukolan to.

Saray Gawgawa 27:1

Nen apaletan lay kanunotan a mambiahi kamid dayat ya onlad Italia, impalima ray Pablo tan pigaran priso ed kinen Julio, sakey ya opisyal na rihiminto na Roma a tatawagey “Rihiminto na Impirador.”

Saray Gawgawa 10:1

Diad Cesarea walay lakin manngaray Cornelio, sakey a kapitan da ray sondalod Roma a kabyangan iray tatawagen na “Kompanya Italiana.”

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Mateo 8:8

Balet inmebat imay kapitan, “Katawan, ag ak manepeg a laen mo nid abung ko. Ibagam labat lay salita et onabig lay katulong ko.

Mateo 10:17

Manalwar kayo, ta wala ray totoon mangerel tan mangidalem ed sikayod korti. Siplatan da kayod saray sinagoga ra.

Saray Gawgawa 22:26

Nen nadngel ya na samay opisyal, linmad samay kapitan tan inkuanto, “Antoy gagawaen mo? Mibabaley na Roma manaya man a too!”

Saray Gawgawa 23:27

Inerel na saray Judio yan too tan pateyen da la lawari. Akabatan kon mibabaley na Roma manaya, kanyan intagar ko ray sondalo tan inyagel ko.