Saray Gawgawa 22:24 - Maung A Balita Biblia

²⁴ Kanyan ingganggan na samay kapitan ya iyakar day Pablo ed kuartil tan siplatan da, pian naamtaan to no akin et ontan lay paneeyag-eyag da ray Judio a panusumlang ed sikato.

Maung a Balita Biblia

²⁴ Kanyan ingganggan na samay kapitan ya iyakar day Pablo ed kuartil tan siplatan da, pian naamtaan to no akin et ontan lay paneeyag-eyag da ray Judio a panusumlang ed sikato.

Saray Gawgawa 22:24 Referans Kwoze

Saray Gawgawa 23:10

Nen ampetang lan maung so pansasangsangan da, tinmakot imay kapitan ta ag la pigan nadanel-danel si Pablo, kanyan pinaleksab to ray sondalo, impaala toy Pablo, tan impailoob tod kuartil.

Saray Gawgawa 21:34

Nandoromay ineeyag da ray totoo. Diad golo, ag to napalinew imay kapitan no anton talagay agawa, kanyan impaiyakar tod kuartil si Pablo.

Juan 19:1

Kanyan impaawit nen Pilato si Jesus tan impapasiplatan to.

Saray Hebreo 11:35

Lapud pananisia, saray bibii inaawat da ray inaatey da ya inmoolid bilay. Wala ray arum a nilabay da niy ompatey ed kairapan nen say nabolus, pian onoli rad magmaung a bilay.

Saray Gawgawa 23:27

Inerel na saray Judio yan too tan pateyen da la lawari. Akabatan kon mibabaley na Roma manaya, kanyan intagar ko ray sondalo tan inyagel ko.

Saray Gawgawa 16:37

Balet inkuanen Pablo ed saramay sondalo, “Anggapoy nibaga ran kasalanan mi, balet impapalewet da kamid arap na karaklan, anggaman a mibabaley kami na Roma. Kasumpal to, impaipriso da kami. Insan natan, labay dan ibaki kamin anggapoy makaamta. Ag nayari! Sikaran dili so onla dian mangibolus ed sikami.”

Saray Gawgawa 21:37

Nen iloloob da lad kuartil si Pablo, inkuantod samay kapitan, “Wala pa labat so ibagak ed sika.” Tinepet to may kapitan, “Akin, makasalita kay Grigo?

Saray Gawgawa 28:18

Kasumpal na impangimbistiga rad siak, ibolus da ak la komun, ta nalmoan dan anggapoy ginawak a pamateyan dad siak.