Saray Gawgawa 22:20 - Maung A Balita Biblia

²⁰ Nen pateyen day Esteban a tasim, wadman ak. Inabuloyan koy impamatey dad sikato, tan siak so angasikasod saray kawes da ray amatey ed sikato.’

Maung a Balita Biblia

²⁰ Nen pateyen day Esteban a tasim, wadman ak. Inabuloyan koy impamatey dad sikato, tan siak so angasikasod saray kawes da ray amatey ed sikato.

Saray Gawgawa 22:20 Referans Kwoze

Saray Gawgawa 8:1

Inabubonan nen Saulo so impamatey dad kinen Esteban. Diad saman ya agew, ginmapoy impamairap dan maung ed iglisiad Jerusalem. Amin a mananisia, likud ed saray apostol, nikaykayat irad saray luyag na Judea tan Samaria.

Saray Gawgawa 7:58

Inggayugoy dad paway na siudad, insan da tinutupak. Saray tasi nilalakseb da ray kolibemben a kawes da, tan intitilak dad sakey a lakin tobun-balo a manngaray Saulo.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Saray Taga Roma 1:32

Amta ra, ya onung ed ganggay Dios, kanepegan ya ompatey iray manggawa na saray onya, balet siansian gagawaen da. Aliwan saya labat, aabubunan da ni ingen iray manggagawa ed saraya.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Saray Gawgawa 26:10

Ontan a tua so ginagawak diad Jerusalem. Amayamay iray Cristianon impapaiprisok lapud pakayarin inter ed siak na saray manonan papari; nen sinisintinsiaan da ran ompatey, sakey ak met ed saray inmabuloy.

Lucas 11:48

Aakoen yo sirin ya aabubonan yoy ginawa ray lalaki yo, ta pinapatey da ray propita, et ipapaalageyan yo ray pantion da.

Saray Gawgawa 6:5

Makaliliket iran amin ed sayan kanunotan da ray apostol, kanyan pinili ray Esteban, sakey a lakin mabiskeg so pananisia to tan napnoy Ispiritu Santo, tan di Felipe, Procoro, Nicanor, Timon, Parmenas, tan Nicolas a taga Antioquia, sakey a Hintil a naayat ed Judaismo.